வட்டுக்கோட்டை கற்பகச்சோலை சனசமூக நிலையத்தின் வாணி விழா.!

வட்டுக்கோட்டை வடக்கு கற்பகச்சோலை சனசமூக நிலையத்தின் ஏற்பாட்டில் வாணி விழா நேற்று சிறப்பாக நடைபெற்றது.

இந்நிகழ்வில் பிரதம விருந்தினராக வலிகாமம் மேற்கு பிரதேச சபையின் தவிசாளர் சண்முகநாதன் ஜயந்தன் கலந்து சிறப்பித்தார். மேலும், வட்டார உறுப்பினர் விஜிமருகன் மற்றும் சமூக மட்ட அமைப்புகளின் பிரதிநிதிகளும் கலந்துகொண்டனர்.

விருந்தினர்கள் பாரம்பரிய குதிரையாட்டத்துடன் நிகழ்விடத்திற்கு அழைத்துவரப்பட்டதைத் தொடர்ந்து, மங்கல விளக்கேற்றப்பட்டு விழா ஆரம்பமானது. தொடர்ந்து விருந்தினர்களின் உரைகளும் பல்வேறு கலை நிகழ்வுகளும் இடம்பெற்றன. அத்துடன் விருந்தினர்களும் கௌரவிக்கப்பட்டனர்.

பாரம்பரிய கலை, பண்பாட்டு அம்சங்களை வெளிப்படுத்தும் வகையில் இவ்வாணி விழா அமைந்திருந்தது.