வெள்ளப்பெருக்கினால் பாதிக்கப்பட்ட பாடசாலை மாணவர்கள்; உதவிக்கரம் நீட்டிய வாகன சாரதி.!
நானுஓயா ரதல்ல கார்லிபேக் பகுதியில் ஏற்பட்ட வெள்ளப்பெருக்கினால் கடுமையாக பாதிக்கப்பட்ட ஹட்டன் நுவரெலியா ரதல்ல குறுக்கு வீதியின் இருந்து கார்லிபேக் வரையான வீதி தடைப்பட்டுள்ளது.
இன்று (19) ஏற்பட்ட இந்த நிலையால், பாடசாலை செல்லும் மாணவர்கள், ஆசிரியர்கள் சிரமப்பட்டுள்ளனர்.
இந்நிலையில், மாணவர்கள் மற்றும் ஆசிரியர்கள் எதிர்கொள்ளும் சிரமத்தை கருத்திற்கொண்டு பாரவூர்தி மற்றும் முச்சக்கரவண்டி வாகனங்களை பயன்படுத்தி அவர்களை பாடசாலைக்கு அழைத்துச் செல்ல நடவடிக்கை எடுத்துள்ளனர்.
இதனிடையே, கார்லிபேக் பகுதியில் கடும் மழை பெய்து வருவதால் வெள்ளப்பெருக்கு ஏற்பட்ட இடம் வரை வாகன பயணிக்க முடியாத நிலையில் மாணவர்களும் ஆசிரியர்களும் தொடர்ந்தும் சிரமங்களை எதிர்கொண்டு வருகின்றனர்.
இந்நிலையில் கடும் மழை பெய்து வரும் நிலையில் வெள்ள பெருக்கு ஏற்பட்டுள்ளதால் பொதுமக்கள் மிகுந்த சிரமத்திற்கு ஆளாகியுள்ளனர்.
மீண்டும் வெள்ளப்பெருக்கு ஏற்படும் அபாயம் உள்ளதால் உடனடியாக இதற்கு உரிய கண்காணிப்பு மற்றும் பாதுகாப்பு நடவடிக்கைகளை மேற்கொள்ள வேண்டும் என பொதுமக்கள் வேண்டுகோள் விடுக்கின்றனர்.


