உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

பல துப்பாக்கிச் சூடு நடத்திய முதன்மை துப்பாக்கிதாரி கைது.!

இலங்கை செய்திகள் 1 மாதம் முன்
146 பார்வைகள்

சட்டவிரோத பாதாள உலகக் குழு உறுப்பினரும் பலத்த போதைப்பொருள் கடத்தல்காரருமான “தெஹிவளை சாண்டோ” என்பவரின் பிரதான உதவியாளரான, மூன்று கொலைச் சம்பவங்களுடன் தொடர்புடைய சந்தேகநபர் ஒருவர் கொட்டாவ பொலிஸாரால் கைது செய்யப்பட்டுள்ளார்.

கடந்த 2026/10/05 அன்று 10 கிராமிற்கும் அதிகமான ‘ஐஸ்’ போதைப்பொருளை வைத்துள்ளார் என்ற சந்தேகத்தின் பேரில், கொட்டாவ பொலிஸ் நிலைய குற்றப்பிரிவு பொறுப்பதிகாரி பொலிஸ் பரிசோதனை ஜீவந்த தலைமையிலான அதிகாரிகள் குழுவினர் திடீர் வீதித் தடை ஏற்படுத்தி சோதனையிட்டபோதே இவர் கைது செய்யப்பட்டார்.

பின்னர் இவரது கைத்தொலைபேசியைச் சோதனையிட்டபோது, அதில் “தெஹிவளை சாண்டோ” என்ற பெயரில் தொலைபேசி இலக்கமும், ‘கையடக்கத் தொலைபேசி’ செயலி ஊடாக அவரிடம் உரையாடிய குரல் பதிவுகளும் செய்திகளும் கண்டறியப்பட்டன.

சந்தேகநபரிடம் நடத்தப்பட்ட தீவிர விசாரணைகளின் போது, பொரலஸ்கமுவ மாலனி புலத்சிங்ஹல மாவத்தையில் நபர் ஒருவரை சுட்டுக்கொன்றமை, நெதிமால பகுதியில் வைத்து பாதாள உலகக் குழு உறுப்பினரும் போதைப்பொருள் கடத்தல்காரருமான “சூவா சமந்த” என்பவரின் மைத்துனரைச் சுட்டுக்கொன்றமை மற்றும் கல்கிஸ்ஸ பகுதியில் நபர் ஒருவரைத் துரத்தித் துரத்திச் சுட்டுக்கொன்றமை ஆகிய சம்பவங்களில் தானே முதன்மை துப்பாக்கிதாரியாகச் செயற்பட்டதாக பொலிஸாரிடம் ஒப்புக்கொண்டுள்ளார்.

கல்கிஸ்ஸ மற்றும் நெதிமால துப்பாக்கிச் சூட்டுச் சம்பவங்கள் தொடர்பில் பிணையில் வெளிவந்த பின்னரே, இவர் பொரலஸ்கமுவ மாலனி புலத்சிங்ஹல மாவத்தை துப்பாக்கிச் சூட்டை நடத்தியுள்ளார் என்பதும், இவர் முன்னர் விமானப்படையில் பணியாற்றி விலகியவர் என்பதும் விசாரணைகளில் தெரியவந்துள்ளது.

ஹோமாகம கோட்ட குற்றப் புலனாய்வுப் பணியக அதிகாரிகள் நடத்திய மேலதிக விசாரணையில், பொரலஸ்கமுவ துப்பாக்கிச் சூட்டுச் சம்பவத்திற்காக சந்தேகநபரின் மனைவியின் வங்கிக் கணக்கில் இரண்டு இலட்சம் ரூபாய் பணம் வைப்பு செய்யப்பட்டுள்ளமை வெளிச்சத்திற்கு வந்துள்ளது.

இதனையடுத்து, குற்றத்திற்கு உடந்தையாக இருந்தார் என்ற சந்தேகத்தின் பேரில் அவரது மனைவியும் ஹோமாகம கோட்ட குற்றப் புலனாய்வுப் பணியகத்தால் கைது செய்யப்பட்டு, மேல் மாகாண தெற்கு திசை குற்றப் பிரிவிடம் மேலதிக விசாரணைகளுக்காக ஒப்படைக்கப்பட்டுள்ளார்.

மேலும், சந்தேகநபரின் வீட்டை சோதனையிட்டபோது, மற்றொரு கொலையைச் செய்வதற்காக மறைத்து வைக்கப்பட்டிருந்த SFG 87 DNB 2.2 வகையைச் சேர்ந்த பச்சை நிற வெளிநாட்டுச் தயாரிப்பு ‘செயற்பாடுடைய கைக்குண்டு’ ஒன்றும் மீட்கப்பட்டுள்ளது.

கொட்டாவ பொலிஸார் திடீர் வீதித் தடையிட்டு இவரைக் கைது செய்த சந்தர்ப்பத்தில், ரத்மலானை பகுதியில் உள்ள மற்றொரு நபரைக் கொலை செய்வதற்காக இவரும் “சாண்டோ” என்பவரும் சதித்திட்டம் தீட்டிக்கொண்டிருந்தனர் என்பதும் வெளிப்பட்டுள்ளது.

கைது செய்யப்பட்ட பிரதான சந்தேகநபர் கொட்டாவ, ஏவா குலசெவன வீதியைச் சேர்ந்த தொன் சரித் நாலந்த (29 வயது) எனவும், அவரது மனைவி பண்ணிப்பிட்டிய, கொட்டாவ, விகார மாவத்தையைச் சேர்ந்த ரொபோசிங்ஹ ஆராச்சிகே பூர்ணி பிரசாதனி (21 வயது) எனவும் அடையாளம் காணப்பட்டுள்ளனர்.

சந்தேகநபர் தற்போது தடுப்புக் காவலில் வைத்து விசாரிக்கப்பட்டு வருவதோடு, மேலதிக விசாரணைகளுக்காக மேல்மாகாண தெற்கு திசை குற்றப் பிரிவிடம் ஒப்படைக்கப்பட்டுள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

137 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

136 0 0