உள்ளூராட்சி மன்றங்களின் அபிவிருத்திப் பணிகளை முன்னெடுக்கும் வகையில், ஒவ்வொரு பிரதேச சபைக்கும் உள்ளூராட்சி அமைச்சின் நிதி ஒதுகீட்டில் மூன்று பாலங்கள் ஒதுக்கப்பட்டுள்ளன.
அந்த வகையில், மஸ்கெலியா பிரதேச சபைக்கு உட்பட்ட பகுதிகளில் மூன்று பாலங்கள் அமைப்பதற்கான வாய்ப்பு கிடைத்துள்ள நிலையில்,
உப தவிசாளரும் வட்டார உறுப்பினருமான ராஜ் அசோக் அவர்களின் வேண்டு கோளுக்கினங்க அதன் முதலாவது பாலத்திற்கான அடிக்கல் நாட்டும் நிகழ்வு இன்று 08.09.2026 பிரவுன்லோ கங்காபிரதேசத் தில் காலை 9 மணிக்கு வெகு சிறப்பாக நடைபெற்றது.
இப் பாலம் அமைக்கப்படுவதற்கான முயற்சிகளில் முக்கிய பங்காற்றி, அதற்கான முன்னெடுப்புகளை மேற்கொண்ட மஸ்கெலியா பிரதேச சபையின் தவிசாளர் திரு. கந்தையா ராஜ்குமார் அவர்கள் பிரதம அதிதியாக கலந்து சிறப்பித்தார்.
மேலும் இந்நிகழ்வில் மஸ்கெலியா பிரதேச சபையின் உப தவிசாளர்,ராஜ் அசோக், சபையின் செயலாளர், உத்தியோகத்தர்கள், பிரவுன்லோ தோட்ட முகாமையாளர், சுகாதார வைத்திய அதிகாரி,ஆலய நிர்வாகசபை தலைவர்,சமூகத் தலைவர்கள், மன்றத் தலைவர்கள் மற்றும் பொதுமக்கள் என பலரும் கலந்து கொண்டு நிகழ்வை சிறப்பித்தனர்.
இந்தப் பாலத்தின் நிர்மாணம் நிறைவடைந்த பின்னர், பிரவுன்லோ மற்றும் அதனைச் சுற்றியுள்ள பகுதிகளில் வாழும் மக்களின் போக்குவரத்து வசதி, பாதுகாப்பு மற்றும் அன்றாட வாழ்வாதார நடவடிக்கைகளுக்கு பெரும் பயனளிக்கும் என எதிர்பார்க்கப்படுகிறது.
மக்களின் தேவைகளை முன்னிறுத்தி, அடிப்படை வசதிகளை மேம்படுத்தி, மஸ்கெலியா பிரதேச சபையின் அபிவிருத்திப் பயணத்தை மேலும் வலுப்படுத்துவோம் எனவும் இப் பாலம் அமைப்பதின் மூலம் அப் பகுதியில் உள்ள அனைத்து மக்களும் நன்மை அடைய உள்ளனர்.
கடந்த பல தசாப்தங்களாக மழை காலங்களில் மிக மிக பீதியில் அப் பாலத்தை கடக்கும் பாடசாலை மாணவர்கள் நோயாளிகள் கர்ப்பிணிகள் குழந்தைகள் இப் பாலம் அமைப்பதின் மூலம் நன்மை அடைய உள்ளனர்.
