கந்தபளை மாணிக்க விநாயகர் ஆலய மண்டபத்தில் இன்று (07) பொதுமக்களின் நலன் கருதி இலவச ஆயுர்வேத மருத்துவ முகாம் ஒன்று நடத்தப்பட்டது.
நுவரெலியா பிரதேச சபை மற்றும் பிரஜாசக்தி தோட்ட உட்கட்டமைப்பு வசதிகள் அமைச்சு ஆகியன இணைந்து இந்த மருத்துவ முகாமை ஏற்பாடு செய்திருந்தன.
இதற்காக மத்திய மாகாணத்தைச் சேர்ந்த ஆயுர்வேத வைத்தியர்கள் குழுவினர் கலந்துகொண்டு, நுவரெலியா பிரதேச சபைக்கு உட்பட்ட பகுதிகளில் வசிக்கும் பொதுமக்களுக்கு இலவசமாக ஆயுர்வேத மருத்துவ ஆலோசனைகள் மற்றும் சிகிச்சைகளை வழங்கினர்.
பொதுமக்களின் சுகாதார நலனை முன்னிறுத்தி ஏற்பாடு செய்யப்பட்ட இந்த மருத்துவ முகாமில், நுவரெலியா பிரதேச சபையின் தவிசாளர், பிரதேச சபை உறுப்பினர்கள் மற்றும் ஆயுர்வேத வைத்தியர்கள் உள்ளிட்ட பலர் கலந்துகொண்டனர்.
மேலும், இம்மருத்துவ முகாமில் பிரதேசத்தைச் சேர்ந்த பொதுமக்கள் பலர் கலந்துகொண்டு, இலவச மருத்துவ ஆலோசனைகள் மற்றும் சிகிச்சைகளைப் பெற்றுக்கொண்டனர்.
