ஹட்டன் நோட்டன் வீதியில் இடம்பெற்ற விபத்தில் பாடசாலை மாணவன் ஒருவர் உயிரிழந்துள்ளர்.
இச் சம்பவம் இன்று காலை 7.40 மணிக்கு ஹட்டன் விமல் சுரேந்திர வீதியில் ஒஸ்போன் பகுதியில் அமைந்துள்ள கிறிஸ்தவ தேவாலயம் ஹோட் ஒப் செம்மறி பகுதியில் உள்ள பிரதான வீதியில் இடம்பெற்றுள்ளது.
சம்பவத்தில் 12 வயதுடைய ஜெயராம் போல்ராஜ் என்ற நோட்டன் கணபதி வித்தியாலயத்தில் தரம் 8 கல்வி பயிலும் மாணவனே உயிரிழந்துள்ளார்.
குறித்த மாணவன் இன்று காலை தனது இல்லத்தில் இருந்து விமல் சுரேந்திர நகருக்கு தனது துவிச்சக்கர வண்டியில் பயணித்த வேளையில் துவிச்சக்கர வண்டியில் பிரேக் இல்லாமல் முன்னாள் வந்துகொண்டிருந்த ஹட்டன் அரச பேருந்து நிலையத்திற்கு உரித்தான MP.6191 இலக்கம் கொண்ட பேருந்துடன் மோதி ஆபத்தான நிலையில் டிக்கோயா கிளங்கன் ஆதார வைத்தியசாலைக்கு கொண்டு செல்லும் வேளையில் உயிரிழந்துள்ளார் என நோட்டன் பொலிஸ் நிலைய பொறுப்பதிகாரி தெரிவித்தார்.
சம்பவம் குறித்து நோட்டன் பொலிஸார் விசாரணை நடத்தி வருகின்றனர்.
பேருந்து சாரதி கைது செய்யப்பட்டுள்ளார் என நோட்டன் பொலிஸ் நிலைய பொறுப்பதிகாரி தெரிவித்தார்.
