உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

பொருளாதார முகாமைத்துவத்தில் என்.பி.பி. அரசாங்கமும் படுதோல்வி.!

இலங்கை செய்திகள் 2 மாதங்கள் முன்
106 பார்வைகள்

தற்போதைய அரசு பலவீனமான மற்றும் தோல்வியடைந்த பொருளாதார முகாமைத்துவத்தையே முன்னெடுத்து வருகின்றது எனவும், இதன் காரணமாக நாட்டின் 22 இலட்சம் மக்களும் எதிர்காலத்தில் பாரதூரமான பாதிப்புகளைச் சந்திக்க நேரிடும் எனவும் எதிர்க்கட்சித் தலைவர் சஜித் பிரேமதாஸ எச்சரித்தார்.

நாடாளுமன்றத்தில் நேற்று நடைபெற்ற விவாதத்தில் கலந்துகொண்டு உரையாற்றும்போதே அவர் மேற்கண்டவாறு குறிப்பிட்டார்.

அவர் மேலும் உரையாற்றுகையில்,
“நபர் ஒருவர் 30 நாட்கள் வாழ்வதற்கு 17 ஆயிரத்து 719 ரூபாய் போதுமானது எனக்கூறிக்கொண்டு, மத்திய வங்கியும் புள்ளிவிபரவியல் திணைக்களமும் வழங்கும் போலித் தரவுகளின் அடிப்படையில் அரசு செயற்படுகின்றது. உலக வங்கியின் கூற்றுப்படி, ஒரு நபருக்கு ஒரு நாளைக்கு 2 ஆயிரத்து 724 ரூபாய் தேவைப்படுவதால் நாட்டின் வறுமை 65.4 சதவீதமாக உள்ளது.

முந்தைய அரசின் நவ-தாராளவாதக் கொள்கையையே தற்போதைய அரசும் தொடர்கின்றது. படுகுழிக்கு இழுத்துச் செல்வது போல் வரிகளை விதித்து சமூகத்தில் அவலத்தை ஏற்படுத்தியுள்ள அரசு, மூளைசாலிகள் வெளியேற்றப்படுவதையும் ஊக்குவித்து வருகின்றது.

தேர்தல் காலத்தில் வாக்குறுதியளித்த புதிய சர்வதேச நாணய நிதியத்தின் இணக்கப்பாட்டுக்குச் செல்ல அரசு தவறிவிட்டது. மேலும், முறையற்ற கடன் முகாமைத்துவக் கொள்கைகள் காரணமாக ஆஸ்திரேலியாவுக்குச் செலுத்த வேண்டிய 2.5 மில்லியன் அமெரிக்க டொலர்களை நாடு இழந்துள்ளதுடன், தேவையற்ற விதிமுறைகளால் நேரடி வெளிநாட்டு முதலீடுகளும் நாட்டை விட்டு வெளியேறி வருகின்றன.

அரசு வழங்கும் உதவிகள் பெரும் செல்வந்தர்களுக்கும் கறுப்புப்பட்டியலில் உள்ள முயற்சியாண்மைகளுக்கு கிடைக்கின்றனவே தவிர, சிறிய மற்றும் நடுத்தரத் தொழில்துறையினருக்கு முறையாகக் கிடைப்பதில்லை.

ஆசிரியர் தினத்தைக் கொண்டாடும் 2 இலட்சத்து 40 ஆயிரத்துக்கும் மேற்பட்ட ஆசிரியர்களுக்கும் எனது வாழ்த்துகளைத் தெரிவித்துக்கொள்கின்றேன். ஆசிரியர்களுக்கு வழங்கப்படும் எனக் கூறப்பட்ட 2/3 சம்பளக் கொடுப்பனவு இன்னும் வழங்கப்படவில்லை.

37 வருட சேவையைப் பூர்த்தி செய்து ஓய்வுபெறும் நாடாளுமன்றப் படைக்கலச் சேவிதர் உபுல் சோமரத்னவுக்கும் எனது வாழ்த்துகளைத் தெரிவித்துக்கொள்கின்றேன்.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

138 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

137 0 0