உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

நாட்டில் போதிய அளவு எரிபொருள் கையிருப்பு உள்ளது! : பொதுமக்கள் அச்சமடையத் தேவையில்லை!!

இலங்கை செய்திகள் 2 மாதங்கள் முன்
130 பார்வைகள்

இலங்கையில் போதியளவு எரிபொருள் இருப்பு உள்ளதாகவும், பொதுமக்கள் அச்சமடைய தேவையில்லை என்றும் இலங்கை பெற்றோலியக் கூட்டுத்தாபனத்தின் தலைவர் டி. ஜே. ராஜகருணா தெரிவித்துள்ளார்.

இன்றைய தினம் (06) கொழும்பில் ஊடகங்களுக்குக் கருத்துத் தெரிவித்த அவர், நாட்டின் எரிபொருள் விநியோகத்தில் எவ்வித சிக்கலும் இல்லை என உறுதிப்படுத்தினார்.

நேற்று நாட்டின் பல்வேறு பகுதிகளில் காணப்பட்ட எரிபொருள் வரிசைகளுக்கு பொதுமக்கள் மத்தியில் பரவிய தேவையில்லாத அச்சமும், சமூக வலைத்தளங்களில் வெளியான வதந்திகளுமே பிரதான காரணமாகும் எனக் குறிப்பிட்ட அவர், இவ்வாறான பொய்யான தகவல்களை நம்பி பொதுமக்கள் எரிபொருள் நிரப்பு நிலையங்களில் வரிசையில் நிற்க வேண்டாம் என்றும் வேண்டுகோள் விடுத்தார்.

தற்போது ஏனைய தனியார் நிறுவனங்கள் எரிபொருள் விநியோகத்தைக் கட்டுப்படுத்தியுள்ள போதிலும், இலங்கை பெற்றோலியக் கூட்டுத்தாபனத்தின் (Ceypetco) விநியோகம் சீராக இயங்கி வருவதாகக் கூறிய அவர், பொதுமக்கள் அருகிலுள்ள சிபெட்கோ எரிபொருள் நிரப்பு நிலையங்களைப் பயன்படுத்துமாறு கேட்டுக்கொண்டார்.

மேலும், ஏனைய தனியார் நிறுவனங்கள் அதிக விலைக்கு எரிபொருளை விற்பனை செய்வதற்கு எவ்வித சட்டப்பூர்வத் தடைகளும் இல்லை என்பதையும் அவர் தெளிவுபடுத்தினார்.

அதேவேளை, இந்த மாத இறுதி வரை எரிபொருள் விலையில் எவ்வித மாற்றமும் செய்யப்பட மாட்டாது எனத் தெரிவித்த தலைவர், பெரும்பாலும் எதிர்வரும் மூன்று மாதங்களுக்கும் எரிபொருள் விலையில் மாற்றங்கள் இன்றி நிலையாகப் பேணப்படவே அதிக வாய்ப்புள்ளதாகவும் சுட்டிக்காட்டினார்.

எனவே, பெற்றோலியக் கூட்டுத்தாபனத்தின் விநியோக அமைப்பின் மீது நம்பிக்கை வைத்து பொதுமக்கள் அமைதியைப் பேணுமாறு அவர் கேட்டுக்கொண்டுள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

138 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

137 0 0