ஆசிரியர் தினத்தை முன்னிட்டு, திருக்கோவில் கல்வி வலயத்திற்குட்பட்ட பின்தங்கிய பாடசாலைகளில் பணியாற்றும் ஆசிரியர்களை வாழ்த்தி கௌரவிக்கும் நிகழ்வு இன்று (06) இடம்பெற்றது.
திருக்கோவில் வலயக் கல்விப் பணிப்பாளர் திரு. ஆர். உதயகுமார் அவர்களின் ஆலோசனைக்கு அமைவாக, திருக்கோவில் வலயக் கல்வி அலுவலகத்தைச் சேர்ந்த அதிகாரிகள் தங்கவேலாயுதபுரம் பாடசாலைக்கு நேரில் சென்று, அப்பாடசாலையின் அதிபர் மற்றும் ஆசிரியர்களை கௌரவித்தனர்.
இதன்போது, DDE திரு. A.M. Nowferdeen, DDE திரு. A. Nazeer, ADE திரு. S. Selvam மற்றும் ISA திரு. Paramasivam ஆகியோர் கலந்துகொண்டு, பாடசாலை அதிபர் மற்றும் ஆசிரியர்களுக்கு மாலை அணிவித்து ஆசிரியர் தின வாழ்த்துக்களைத் தெரிவித்தனர்.
மேலும், மாணவர்களின் கல்வி வளர்ச்சிக்காக ஆசிரியர்கள் ஆற்றிவரும் சேவை மகத்தானதும் சமூகத்திற்கு மிகவும் அவசியமானதுமான சேவை எனக் குறிப்பிட்டு, அவர்களின் அர்ப்பணிப்பைப் பாராட்டி கௌரவித்தனர்.
பின்தங்கிய பிரதேசத்தில் கல்விப் பணியாற்றிவரும் ஆசிரியர்களை நேரடியாகச் சென்று வாழ்த்தி கௌரவித்த இந்நிகழ்வு, ஆசிரியர்கள் மத்தியில் மகிழ்ச்சியையும் உற்சாகத்தையும் ஏற்படுத்தியிருந்தது.
இந்நிகழ்வில் கலந்துகொண்டு ஆசிரியர்களை கௌரவித்த திருக்கோவில் வலயக் கல்வி அலுவலக அதிகாரிகளுக்கு பாடசாலை அதிபர், ஆசிரியர்கள் சார்பில் நன்றிகள் தெரிவிக்கப்பட்டன.
