மத்திய மலைநாட்டில் நுவரெலியா மாவட்டத்தில் சிறுத்தைகளின் அச்சுறுத்தல் அதிகரித்து வருகிறது.
குறிப்பாக நுவரெலியா மாவட்டத்தில் அன்மை காலங்களில் சிறுத்தை மற்றும் புலிகளின் நடமாட்டம் நாளுக்கு நாள் அதிகரித்து வருகிறது இதன் காரணமாக பெருந்தோட்ட பகுதிகளில் உள்ள அனைத்து மக்களும் தொழிலாளர்களும் பெரிதும் பாதிக்க பட்டு வருகின்றனர்.
கடந்த சில காலமாக சிறுத்தைகளின் கடிக்கு உள்ளான நிலையில் பெருந்தோட்ட தொழிலாளர்கள் வைத்திய சாலையில் அனுமதிக்க பட்டு சிகிச்சை பெற்று வந்தமை குறிப்பிடத்தக்கது.
தற்போது அம்பகமு பிரதேச சபைக்கு உட்பட்ட பகுதியான லொனக், வட்டவளை மீனாட்சி தோட்டம், வட்டவளை பகுதியில் உள்ள அனைத்து தோட்டங்களில் உள்ள பற்றை பகுதிகளில் அதிக அளவில் சிறுத்தைகள் மற்றும் புலி நடமாட்டம் அதிகரித்து வருகிறது இதனை கட்டுப்படுத்த சம்பந்தப்பட்ட வனத்துறை அதிகாரிகள் மற்றும் நுவரெலியா மாவட்ட அரசாங்க அதிபர் திருமதி துஷாரி தென்னகோன் தோட்ட நிர்வாகம் முன் வர வேண்டும் என அப் பகுதியில் உள்ள அனைத்து மக்களும் வேண்டுகோள் விடுக்கின்றனர்.
உடனே கட்டுபடுத்த நடவடிக்கை எடுக்கா விடின் எதிர் காலத்தில் பெருந்தோட்ட தொழிலாளர்கள் பணியில் ஈடுபட முடியாத நிலை ஏற்படுவதுடன் மக்கள் நடமாட முடியாத நிலை ஏற்படும் என தங்களது ஆதங்கத்தை வெளிப்படுத்தி வருகின்றனர்.
