சூரிய நிறுவகத்தின் அனுசரணையில் இரண்டாவது மொழிக் கற்கையை பூர்த்தி செய்த மாணவர்களுக்கான சான்றிதழ்கள் வழங்கும் நிகழ்வானது இன்றையதினம் யாழ்ப்பாணம், சுதுமலையில் உள்ள தனியார் மண்டபம் ஒன்றில் நடைபெற்றது.
ஹெல்தி லங்கா நிறுவனத்தின் வடக்கு மாகாண இணைப்பாளர் தே.பிரேமராஜாவின் தலைமையில் நடைபெற்ற இந்நிகழ்வில், பிரதம விருந்தினராக முன்னாள் சபாநாயகர் கரு ஜயசூரிய கலந்துகொண்டார்.
அத்தோடு, சிறப்பு விருந்தினர்களாக வடக்கு மாகாண ஆளுநர் நா.வேதநாயகன், பிரதேச செயலர்கள், மாணவர்கள், பெற்றோர்கள் மற்றும் பலர் இந்நிகழ்வில் கலந்துகொண்டனர்.
இதன்போது விருந்தினர்களால் மங்கல விளக்கேற்றப்பட்டு, தமிழ்த்தாய் வாழ்த்துடன் நிகழ்வுகள் ஆரம்பமாயின.
அதனைத் தொடர்ந்து, விருந்தினர்கள் உரை, மாணவர்களது கலையம்சம் மிகுந்த நிகழ்ச்சிகள், சான்றிதழ்கள் கையளிப்பு போன்றவை இடம்பெற்றன.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
