கொழும்பு கோட்டை – பேராதனை – கம்பளை இடையிலான புகையிரத சேவை ஒக்டோபர் 02 முதல் ஆரம்பம்.!

கொழும்பு கோட்டை – பேராதனை, கம்பளை இடையிலான புகையிரத சேவை எதிர்வரும் ஒக்டோபர் மாதம் 02 ஆம் திகதி முதல் ஆரம்பிக்கப்படவுள்ளதாக புகையிரத திணைக்களம் அறிவித்துள்ளது.

டித்வா புயல் தாக்கத்தினால் ரம்புக்கனை – கம்பளை வரையிலான புகையிரத பாதையில் 103 இடங்கள் சேதமடைந்திருந்தன. இவற்றில் 36 பகுதிகள் மண்சரிவு அனர்த்தத்தால் பாதிக்கப்பட்டிருந்தன.

தொடர்ச்சியான புனரமைப்புக்களைத் தொடர்ந்து கொழும்பு கோட்டை – பேராதனை, கம்பளை இடையிலான புகையிரத சேவை எதிர்வரும் ஒக்டோபர் மாதம் 02 ஆம் திகதி முதல் ஆரம்பிக்கப்படவுள்ளது.

கொழும்பு – பதுளை வரையிலான புகையிரத சேவையை அடுத்தாண்டுக்குள் முழுமையாக ஆரம்பிப்பதற்கு உரிய நடவடிக்கைகளை முன்னெடுக்கப்பட்டுள்ளதாக புகையிரத திணைக்களம் குறிப்பிட்டுள்ளது.