இலங்கையை வீழ்த்தி தொடரைக் கைப்பற்றியது இங்கிலாந்து!

சுற்றுலா இலங்கை அணிக்கு எதிரான மூன்றாவதும் இறுதியுமான ஒருநாள் கிரிக்கெட் போட்டியில் இங்கிலாந்து அணி 223 ஓட்டங்களால் வெற்றிப்பெற்றுள்ளது.

லண்டன் ஓவல் மைதானத்தில் இடம்பெற்ற இந்த போட்டியில் நாணய சுழற்சியில் வெற்றிப் பெற்று முதலில் துடுப்பெடுத்தாடிய இலங்கிலாந்து அணி 50 ஓவர்கள் நிறைவில் 07 விக்கெட்டுக்களை இழந்து 355 ஓட்டங்களை பெற்றது.

துடுப்பாட்டத்தில் அந்த அணியின் சார்பில் ஆரம்ப துடுப்பாட்ட வீரர் Tom Banton அதிகபட்சமாக 126 ஓட்டங்களையும், அணியின் தலைவர் Harry Brook 77 ஓட்டங்களையும், Jordan Cox 76 ஓட்டங்களையும் பெற்றுக்கொடுத்தனர்.

பந்து வீச்சில் இலங்கை அணி சார்பில் Asitha Fernando 03 விக்கெட்டுக்களையும், Sachindu Colombage 02 விக்கெட்டுக்களையும் வீழ்த்தினர்.

பின்னர் 356 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய இலங்கை அணி 29.1 ஓவர்கள் நிறைவில் சகல விக்கெட்டுக்களையும் இழந்து 132 ஓட்டங்களை மாத்திரமே பெற்றது.

துடுப்பாட்டத்தில் இலங்கை அணி சார்பில் அணித் தலைவர் Kusal Mendis அதிகபட்சமாக 35 ஓட்டங்களை பெற்ற நிலையில் ஏனைய வீரர்கள் சொற்ப ஓட்டங்களுக்கே ஆட்டமிழந்தனர்.

பந்து வீச்சில் இங்கிலாந்து அணி சார்பில் Liam Dawson 03 விக்கெட்டுக்களையும், Gus Atkinson 02 விக்கெட்டுக்களையும் வீழ்த்தனர்.

இதற்கமைய மூன்று போட்டிகள் கொண்ட இந்த ஒருநாள் கிரிக்கெட் தொடரை இங்கிலாந்து அணி இரண்டுக்கு ஒன்று என்ற கணக்கில் கைப்பற்றியுள்ளது.