தியாக தீபத்தின் கோரிக்கைகளை முன்வைத்து லண்டனில் இருந்து இந்தியா நோக்கி பயணிக்கவுள்ள புலம்பெயர் தமிழர்.!

தியாக தீபம் திலீபனின் ஐந்து அம்சக் கோரிக்கைகளில், மூன்று அம்சக் கோரிக்கைகளை முன்னிலைப்படுத்தி புலம்பெயர் தமிழரான லோகேஸ்வரன் என்பவர் லண்டனில் இருந்து இந்தியாவின் காந்தி சதுக்கம் நோக்கி நடை பயணம் ஒன்றினை முன்னெடுக்கவுள்ளார்.

இதனை அவர் இன்றையதினம் நல்லூரடியில் அமைந்துள்ள தியாக தீபம் திலீபனின் நினைவாலயத்திற்கு முன்பாக தெரிவித்துள்ளார். இதன்போது அவருக்கு காந்தியின் கொடி போர்த்தப்பட்டது.

அத்துடன் கோரிக்கைகள் நிறைவேற்றப்படாத பட்சத்தில் திலீபனின் வழியில் தானும் செல்ல உள்ளதாக தெரிவித்துள்ளார்.

காந்தியின் அகிம்சையை கொண்டாடும் இந்திய நாடு, தியாகி திலீபனின் தியாகத்தையும் உணர்ந்து, தமிழ் மக்களுக்கு ஒரு விடிவினை தரவேண்டும் என வலியுறுத்தியே இந்த நடை பயணமானது முன்னெடுக்கப்படவுள்ளதாக அவர் தெரிவித்தார்.