உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

மீண்டும் சூதாட்ட சர்ச்சையில் சிக்கியது சி.எஸ்.கே அணி!

147 பார்வைகள்

சென்னை சூப்பர் கிங்ஸ் அணியின் டிரஸ்ஸிங் ரூம் ரகசியங்கள் கசிந்ததாகவும், மேட்ச் பிக்சிங் நடந்ததாகவும் தெஹல்கா ஸ்டிங் ஆபரேஷனில் சொல்லப்பட்டதை தொடர்ந்து சிஎஸ்கே நிர்வாகம் அடுத்தகட்ட நடவடிக்கை எடுக்க திட்டமிட்டுள்ளது.

பிரபல புலனாய்வு ஊடகமான தெஹல்கா வெளியிட்ட ரகசிய ஸ்டிங் ஆபரேஷன் வீடியோவில், சிஎஸ்கே அணியில் இடம்பெற்றிருந்த டெல்லியைச் சேர்ந்த இளம் வீரர் ஒருவர் மூலம் ஆடும் லெவன் விவரங்கள் முன்கூட்டியே லண்டன் சூதாட்ட புக்கிகளுக்கு விற்கப்பட்டதாக முன்னாள் ரஞ்சி வீரர் ரசித் பாட்டியா குற்றம்சாட்டியிருந்தார்.

ஒரு போட்டிக்கு 60 லட்சம் ரூபாய் வீதம் மொத்தம் 5 போட்டிகளுக்கு 3 கோடி ரூபாய் கைமாறியதாக அவர் கூறியது கிரிக்கெட் அரங்கில் பெரும் சர்ச்சையை கிளப்பியது.

இந்த விவகாரம் குறித்து விவாதிக்க சிஎஸ்கே நிர்வாகம் அவசரக் கூட்டத்தைக் கூட்ட முடிவு செய்துள்ளது. இதுகுறித்து சிஎஸ்கே அதிகாரி ஒருவர் தெரிவிக்கையில்,

“எங்களது வருடாந்திர பொதுக்குழுக் கூட்டம் இன்று (25) நடைபெற உள்ளது. இந்தக் கூட்டத்திற்கு முன்பாக எங்கள் நிர்வாகக் குழு கூடி, இந்த ஊழல் தடுப்பு விவகாரங்கள் மற்றும் குற்றச்சாட்டுகள் குறித்து விரிவாக ஆலோசித்து உரிய முடிவு எடுக்கும்” என்று தெரிவித்துள்ளார்.

இதற்கிடையே, டெல்லியைச் சேர்ந்த விக்கெட் கீப்பர் பேட்டர் வன்ஷ் பேடிதான் 2025 இல் சிஎஸ்கே-வில் இருந்த டெல்லி வீரர் என்பதாலும், அவரை 2025 இல் சூதாட்டத் தரகர்கள் அணுகியதாகவும், அவர் புகார் அளித்ததாகவும் மற்றொரு தகவல் பரவியது.

ஆனால் இதை அவர் தனது சமூக வலைதளப் பக்கத்தில் திட்டவட்டமாக மறுத்துள்ளார். “ரசித் பாட்டியா குறிப்பிட்ட சிஎஸ்கே வீரர் நான் அல்ல. எனக்கும் இந்த சூதாட்டக் குற்றச்சாட்டுகளுக்கும் எள்முனையளவும் தொடர்பு கிடையாது” என்று வன்ஷ் பேடி விளக்கம் அளித்துள்ளார்.

அதேபோல் டெல்லி பிரீமியர் லீக் தொடரிலும் மேட்ச் பிக்சிங் நடந்ததாகக் கூறப்பட்ட குற்றச்சாட்டுகளை டெல்லி கிரிக்கெட் சங்கம் ஆதாரமற்றவை என நிராகரித்துள்ளது. எனினும், இன்று கூடவுள்ள சிஎஸ்கே நிர்வாகக் கூட்டத்தில் எடுக்கப்படும் முடிவுகள் பெரும் எதிர்பார்ப்பை ஏற்படுத்தியுள்ளன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

127 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

92 0 0