உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

இங்கிலாந்து – இலங்கை 2 ஆவது ஒருநாள் போட்டி: இலங்கை அணி 16 ஓட்டங்களால் வெற்றி!

147 பார்வைகள்

இங்கிலாந்தில் சுற்றுப்பயணம் மேற்கொண்டுள்ள இலங்கை கிரிக்கெட் அணி, இங்கிலாந்து அணிக்கு எதிரான இரண்டாவது ஒருநாள் போட்டியில் 16 ஓட்டங்கள் வித்தியாசத்தில் வெற்றி பெற்றுள்ளது.

லீட்ஸ் ஹெட்டிங்லி (Headingley) மைதானத்தில் நடைபெற்ற இந்தப் போட்டியில், நாணய சுழற்சியில் வெற்றி பெற்ற இலங்கை அணி முதலில் துடுப்பாட்டத்தில் ஈடுபட தீர்மானித்தது.

இதன்படி , முதலில் களம் இறங்கிய இலங்கை அணி நிர்ணயிக்கப்பட்ட 50 ஓவர்களில் 6 விக்கெட்டுகள் இழப்புக்கு 321 ஓட்டங்களைக் குவித்தது.

இலங்கை அணி சார்பில் அணியின் தலைவர் குசல் மெண்டிஸ் அபாரமாக விளையாடி 100 பந்துகளில் 121 ஓட்டங்களை (14 நான்கு ஓட்டங்கள், 3 ஆறு ஓட்டங்கள்) பெற்றுக் கொண்டார்.

அத்துடன், கமிந்து மெண்டிஸ் 54 ஓட்டங்களையும், பவன் ரத்நாயக்க 48 ஓட்டங்களையும் பெற்று அணிக்கு வலு சேர்த்தனர்.

இங்கிலாந்து அணியின் பந்துவீச்சு சார்பில் கஸ் அட்கின்சன் மற்றும் ரெஹான் அஹமட் தலா 2 விக்கெட்டுகளை வீழ்த்தினர்.

322 ஓட்டங்கள் என்ற வெற்றி இலக்கை நோக்கி பதிலுக்குப் துடுப்பெடுத்தாடிய இங்கிலாந்து அணி, 50 ஓவர்களில் 9 விக்கெட்டுகள் இழப்புக்கு 305 ஓட்டங்களை பெற்று தோல்வியடைந்தது.

இதனால் இலங்கை அணி 16 ஓட்டங்கள் வித்தியாசத்தில் வெற்றியைத் தன்வசப்படுத்தியது.

இங்கிலாந்து அணி தரப்பில் டொம் பேன்டன் (73), ஜோஸ் பட்லர் (69) மற்றும் பென் டக்கெட் (67) ஆகியோர் அணிக்காக அதிகபட்ச ஓட்டங்களை பெற்றுக் கொடுத்தனர்.

இலங்கை அணி சார்பில் துனித் வெல்லாலகே 3 விக்கெட்டுகளையும், தில்ஷான் மதுஷங்க மற்றும் இஷான் மலிங்க தலா 2 விக்கெட்டுகளையும் கைப்பற்றினர்.

இந்த வெற்றியின் மூலம் இலங்கை அணி தொடரை 1-1 என்ற கணக்கில் சமனாக்கியுள்ள நிலையில் இரு அணிகளுக்கிடையிலான மூன்றாவது மற்றும் தொடரின் இறுதிப்போட்டி எதிர்வரும் செப்டெம்பர் 27 ஆம் திகதி நடைபெறவுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

127 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

92 0 0