முன்னாள் ஜனாதிபதி மஹிந்த ராஜபக்சவின் மனைவி ஷிரந்தி ராஜபக்ச, இன்று (24) பொலிஸ் நிதிக் குற்றப் புலனாய்வுப் பிரிவில் (FCID) முன்னிலையாகவில்லை என அந்தப் பிரிவு தெரிவித்துள்ளது.
தற்போது மருத்துவ சிகிச்சைக்காக சிங்கப்பூரில் தங்கியிருப்பதால், விசாரணைக்காக முன்னிலையாக வேறு ஒரு திகதியை வழங்குமாறு ஷிரந்தி ராஜபக்ச தரப்பிலிருந்து எழுத்துமூலம் கோரிக்கை விடுக்கப்பட்டுள்ளதாக பொலிஸார் தெரிவித்துள்ளனர்.
‘சிறிலிய சவிய’ (Siriliya Saviya) நிதியத்தின் கணக்கில் இடம்பெற்றதாகக் கூறப்படும் நிதிப் பரிவர்த்தனைகள் மற்றும் முறைகேடுகள் தொடர்பில் முன்னெடுக்கப்படும் விசாரணைகளின் அடிப்படையில், இன்று காவல்துறை நிதிக் குற்றப் புலனாய்வுப் பிரிவில் முன்னிலையாகுமாறு ஷிரந்தி ராஜபக்சவுக்கு அறிவிக்கப்பட்டிருந்தது.
எனினும், அவர் இன்று முன்னிலையாகாத நிலையில், அவரது தரப்பினால் முன்வைக்கப்பட்டுள்ள கோரிக்கையின் அடிப்படையில் அடுத்தகட்ட நடவடிக்கைகள் முன்னெடுக்கப்படவுள்ளதாக தெரிவிக்கப்பட்டுள்ளது.
