கனமழை காரணமாக மேல் கொத்மலை நீர்த்தேக்கத்தின் வான்கதவுகள் வழியாக நீர் வெளியேற்றம்.!

தொடர்ந்து பெய்து வரும் கனமழையால் மேல் கொத்மலை நீர்த்தேக்கத்தின் வான்கதவுகள் வழியாக நீர் வெளியேற்றப்படுகிறது.

இன்று காலை 10.30 மணிக்கு மேல் கொத்மலை நீர்த்தேக்கத்தின் வான் கதவுகள் மூன்று வழிகளில் நீர் வெளியேற்றம் செய்யப்படுவதால் தாழ் நிலக் பகுதியில் உள்ள அனைத்து மக்களும் மிகவும் அவதானமாக இருக்குமாறு நுவரெலியா மாவட்ட அனர்த்த முகாமைத்துவ மத்திய நிலையம் அறிவித்துள்ளது.

குறிப்பாக டயகம பகுதியில் ஆரம்பிக்கும் மகாவலி கங்கையின் வெள்ள நீர் அதிகரித்து வருவதாலும் அப் பகுதியில் இருந்து ஆரம்பமாகும் ஏனைய அனைத்து ஓடைகளில் அதிக மழை காரணமாக வெள்ளப்பெருக்கு ஏற்பட வாய்ப்பு உள்ளது. இதன் காரணமாக மேல் கொத்மலை நீர்த்தேக்கத்திற்கு அதிக அளவில் நீர் வருவதால் தற்போது வான் கதவுகள் வழியாக நீர் வெளியேற்றப்படுகிறது.

இதன் காரணமாக மகாவலி கங்கையை அண்மித்த பகுதியில் உள்ள அனைத்து மக்களும் மிகவும் அவதானமாக இருக்குமாறு நுவரெலியா மாவட்ட காலநிலை அவதான நிலையம் அறிவித்துள்ளது.