நோர்வூட் பிரதேச செயலகத்தில் இடம்பெற்ற அஸ்வெசும நிதி மோசடி தொடர்பில் மேலும் இருவர் பணிநீக்கம்.!
நுவரெலியா மாவட்டம் நோர்வூட் பிரதேச செயலகத்தில் இடம்பெற்ற அஸ்வெசும நிதி மோசடி தொடர்பாக, நுவரெலியா மாவட்ட நோர்வூட் பிரதேச செயலகத்தின் கீழ் இயங்கிய இளைஞர் மன்றத்தில் பணியாற்றிய ஒருவரும் பணியிலிருந்து நீக்கப்பட்டுள்ளதாக தகவல் வெளியாகியுள்ளது.
பொகவந்தலாவை பிரதேசத்தைச் சேர்ந்த இவர், அஸ்வெசும நிதி வழங்கல் தொடர்பான முறைகேட்டில் ஈடுபட்டதாகக் கூறப்படும் குற்றச்சாட்டின் அடிப்படையில் பணிநீக்கம் செய்யப்பட்டுள்ளதாக தெரிவிக்கப்படுகிறது.
இதேவேளை, இவரது மனைவி ஆசிரியராக பணியாற்றி வந்த நிலையில், குறித்த நிதி முறைகேட்டில் அவருக்கும் தொடர்பு இருப்பதாகக் கூறப்பட்டதையடுத்து, அவரும் ஆசிரியர் பணியிலிருந்து நீக்கப்பட்டுள்ளதாக தகவல் வெளியாகியுள்ளது.
அஸ்வெசும நிதி வழங்கல் தொடர்பில் இடம் பெற்றதாகக் கூறப்படும் முறைகேடுகள் குறித்து அதிகாரிகளால் தொடர்ந்து மேலதிக விசாரணைகள் முன்னெடுக்கப்பட்டு வருவதாகவும் தெரிவிக்கப்படுகிறது.
