வவுனதீவு பரமேஸ்வரா வித்தியாலயத்தின் 17 வயதுக்குட்பட்ட பெண்கள் கைப்பந்து அணி தேசிய ரீதியில் சாதனை!

மட்டக்களப்பு மேற்கு கல்வி வலயத்திற்குட்பட்ட அதிகஷ்ட பிரதேச பாடசாலைகளில் ஒன்றான வவுனதீவு பரமேஸ்வரா வித்தியாலயத்தின் 17 வயதுக்குட்பட்ட பெண்கள் அணி 2026ம் ஆண்டுக்கான அகில இலங்கை பாடசாலைகளுக்கிடையிலான தேசிய மட்ட கைப்பந்து போட்டியில் மூன்றாவது இடத்தை பெற்று மட்டக்களப்பு மேற்கு கல்வி வலயத்திற்கும் வவுனதீவு பிரதேசத்திற்கும் பெருமையினை தேடிக்கொடுத்துள்ளது.

இவ் வெற்றி சாதாரணமாக கிடைத்த ஒன்று அல்ல பல வருட பயிற்சி முயற்சியின் பின் பெறப்பட்ட ஒன்றே. அதிகஷ்ட பிரதேச பாடசாலையொன்றின் அணி தேசியத்திற்கு சென்று பல பிரபல்யமான பாடசாலைகளையெல்லாம் வீழ்த்தி இவ் வெற்றியை பெற்று பெருமையினை பெற்றுக்கொடுத்திருக்கின்றனர்.
அண்மையில் நடந்த திறந்த மட்ட போட்டிகளில் ஒன்றான கழகங்களுக்கிடையிலான தேசிய விளையாட்டு விழாவின் கிழக்கு மாகாண மட்டப் போட்டியில் மட்டக்களப்பு மாவட்டத்தை பிரதிநிதித்துவப்படுத்தி கைப்பந்து போட்டியில் விளையாடிய வவுனதீவு கிராம வீராங்கனைகள் சம்பியனாகி இதுவரை மட்டக்களப்பு மாவட்டத்திற்கு கிடைத்திராத மகளிர் கைப்பந்தாட்ட சம்பியன் பட்டத்தை பெற்றுக்கொடுத்து புது வரலாற்றை எழுதியிருந்தமை குறிப்பிடத்தக்கது
அவர்கள் தேசிய மட்ட வெற்றி ஒன்றுக்காக கடந்த காலங்களில் கடந்து வந்த வெற்றிப் படிகளை சுருக்கமாக தருகிறேன்
2023 மாகாண மட்டம். முதலாமிடம்
2024 மாகாண மட்டம் முதலாமிடம்
2025 மாகாண மட்டம் முதலாமிடம்
2026 மாகாண மட்டம் முதலாமிடம்
2026 தேசிய மட்டம் மூன்றாமிடம்