வவுனியாவின் செட்டிகுளம் வைத்தியசாலைக்கு இலங்கைத் தமிழரசுக் கட்சியின் நாடாளுமன்ற உறுப்பினர் மருத்துவர் ப.சத்தியலிங்கம் அவர்கள் கடந்த 14.09.2026 அன்று களவிஜயமொன்றினை மேற்கொண்டிருந்தார்.
செட்டிகுளம் வைத்தியசாலை அபிவிருத்திக்குழுவின் அழைப்பின் பிரகாரம் வைத்தியசாலையில் காணப்படும் பிரச்சினைகள், தேவைப்பாடுகள் தொடர்பில் நேரில் ஆய்வு செய்யும் வகையில் இந்த விஜயம் இடம்பெற்றிருந்தது.
இதன்போது வைத்தியசாலையின் பொறுப்பு வைத்திய அத்தியட்சகர், உத்தியோகத்தர்கள், ஊழியர்கள் ஆகியோரை சந்தித்து வைத்தியசாலையின் தேவைப்பாடுகள், எதிர்நோக்கும் பிரச்சினைகள் தொடர்பில் கேட்டறிந்து கொண்டார்.
பின்னர் வைத்தியசாலை வளாகத்தினையும், மருத்துவ விடுதிகளையும் பார்வையிட்டார்.
இதன்போது வைத்தியசாலை தரப்பினரால் முன்னிலைப்படுத்தப்பட்ட கோரிக்கைகள் தொடர்பில் உரிய தரப்பினரின் கவனத்திற்கு கொண்டுசென்று தீர்வுகளை பெற்றுத்தர நடவடிக்கை எடுப்பதாக நாடாளுமன்ற உறுப்பினர் இதன்போது தெரிவித்தார்.
இந்த விஜயத்தின்போது வைத்தியசாலை அபிவிருத்திக் குழுவினர், நாடாளுமன்ற உறுப்பினரின் செயலாளர் பாலச்சந்திரன் சிந்துஜன், செட்டிகுளம் பிரதேச இணைப்பாளர் ச.பத்மசீலன் ஆகியோரும் இணைந்திருந்தனர்.
