உலகக்கிண்ண கால்பந்துத் தொடரில் அல்ஜீரியாவை வீழ்த்தி சுவிஸ்லாந்து அடுத்த சுற்றுக்கு முன்னேற்றம்

உலகக்கிண்ண கால்பந்து தொடரின் 32 அணிகளுக்கான நொக்-அவுட் சுற்றில் அல்ஜீரியாவுக்கு எதிரான போட்டியில் 2-0 என்ற கோல் கணக்கில் சுவிட்சர்லாந்து அணி அபார வெற்றி பெற்று, அடுத்த சுற்றுக்கு (Round of 16) தகுதி பெற்றுள்ளது.

போட்டி தொடங்கிய 10ஆவது நிமிடத்திலேயே சுவிட்சர்லாந்து அணி தனது முதல் கோலை அடித்தது.

சக வீரர் ஜோஹான் மன்சாம்பி பாக்ஸுக்குள் வழங்கிய நேர்த்தியான பந்தை பிரீல் எம்போலோ (Breel Embolo) மிகச் சரியாக கோலாக மாற்றினார்.

இதனால் முதல் பாதியில் சுவிட்சர்லாந்து 1-0 என முன்னிலை பெற்றது.

இரண்டாம் பாதி ஆட்டம் தொடங்கிய முதல் நிமிடத்திலேயே சுவிட்சர்லாந்து தனது இரண்டாவது கோலை பதிவு செய்தது.

அல்ஜீரிய தற்காப்பு அரண் பந்தைத் தடுத்தாடத் தவறியதைச் சாதகமாக்கிக் கொண்ட டான் டோய் (Dan Ndoye) ஒரு சிறப்பான ஃபினிஷிங் மூலம் கோல் அடித்து அணியின் வெற்றியை உறுதி செய்தார்.

ஆட்டத்தின் முதல் பாதியின் கூடுதல் நேரத்தில் அல்ஜீரிய அணியின் இப்ராஹிம் மசாவுக்கு ஒரு சிறந்த கோல் வாய்ப்பு கிடைத்தது, ஆனால் அவரது ஷூட் இலக்கைத் தவறவிட்டது.

இந்த வெற்றியின் மூலம் சுவிட்சர்லாந்து அணி கால்பந்து வரலாற்றில் தொடர்ந்து 4ஆவது முறையாக 16 அணிகளுக்கான சுற்றுக்கு முன்னேறி சாதனை படைத்துள்ளது.

மேலும் இந்த தொடரில் இதுவரை விளையாடிய போட்டிகளில் தோல்வியடையாத அணியாகவும் தனது பயணத்தைத் தொடர்கிறது.
அடுத்த சுற்றில் கொலம்பியா அல்லது கானா ஆகிய அணிகளில் வெற்றி பெறும் அணியை சுவிட்சர்லாந்து எதிர்கொள்ளவுள்ளது.