உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

IPL 2026 கிரிக்கெட் தொடரில் இளம் வீரர் சூர்யவன்ஷி பல சாதனைகளை படைத்துள்ளார்.

103 பார்வைகள்

ஐபிஎல் 2026 கிரிக்கெட் தொடரில் வைபவ் சூர்யவன்ஷி 65 ஆறு ஓட்டங்களை (சிக்ஸர்களை) விளாசி, உலக அளவில் டி20 தொடர் ஒன்றில் அதிக ஆறு ஒட்டங்களை அடித்த வீரர் என்ற மாபெரும் உலக சாதனையைப் படைத்துள்ளார்.

இதற்கு முன்னர் 2012 ஐபிஎல் தொடரில் 59 ஆறு ஓட்டங்களை அடித்திருந்த கிறிஸ் கெய்லின் (Chris Gayle) வரலாற்றுச் சாதனையை அவர் முறியடித்துள்ளார்.

கிறிஸ் கெய்ல் இந்தச் சாதனைக்கு 456 பந்துகளை எதிர்கொண்டிருந்த நிலையில், சூர்யவன்ஷி வெறும் 266 பந்துகளிலேயே இதனை அதிரடியாக முறியடித்துள்ளார்.

சன்ரைசர்ஸ் ஹைதராபாத் (SRH) அணிக்கு எதிரான வெளியேற்றும் (Eliminator) சுற்றில் வெறும் 29 பந்துகளில் 97 ஓட்டங்களைக் குவித்த சூர்யவன்ஷி, பல அசாத்திய சாதனைகளைத் தன்வசப்படுத்தியுள்ளார்.

இதில் 16 பந்துகளில் அவர் அடித்த அரைசதமானது, ஐபிஎல் பிளே-ஓஃப் (Playoffs) வரலாற்றில் அதிவேக அரைசதம் என்ற சுரேஷ் ரெய்னாவின் சாதனையைச் சமன் செய்துள்ளது.

இந்த இன்னிங்ஸில் அவர் அடித்த 12 ஆறு ஓட்டங்கள், ஐபிஎல் பிளே-ஆஃப் போட்டி ஒன்றில் ஒரு துடுப்பாட்ட வீரர் அடித்த அதிகூடிய ஆறு ஓட்டங்கள் என்ற சுப்மன் கில்லின் சாதனையைத் தகர்த்துள்ளது.

மேலும், இதில் முதல் 10 ஆறு ஓட்டங்களை வெறும் 24 பந்துகளில் எட்டி, ஐபிஎல் வரலாற்றில் மிகக் குறைந்த பந்துகளில் 10 ஆறு ஓட்டங்களை அடித்த வீரர் என்ற கிறிஸ் கெய்லின் சாதனையைத் தவிடுபொடியாக்கியுள்ளார்.

இந்தத் தொடரில் 15 இன்னிங்ஸ்களில் விளையாடியுள்ள சூர்யவன்ஷி, 242.85 என்ற அசுரத்தனமான சரசரி ஆட்ட விகிதம் 680 ஓட்டங்களைக் குவித்துள்ளார்.

டி20 கிரிக்கெட் வரலாற்றில் 200 க்கும் அதிகமான சரசரி ஆட்ட விகிதத்துடன் 600 க்கும் மேற்பட்ட ஓட்டங்களை ஒரு தொடரில் எடுத்த முதல் வீரர் இவரேயாவார்.

அத்துடன் பவர்பிளே ஓவர்களில் மட்டும் இந்த சீசனில் 490 ஓட்டங்களை விளாசி, 2016 இல் டேவிட் வோர்னர்  நிலைநாட்டியிருந்த சாதனையை முறியடித்துள்ளார்.

புதன்கிழமை நடந்த போட்டியில் 334.48 என்ற சரசரி ஆட்ட விகிதம் விளையாடிய சூர்யவன்ஷி, ஐபிஎல் வரலாற்றில் 90 க்கும் அதிகமான ஓட்டங்களை அதிகூடிய சரசரி ஆட்ட விகிதத்தில் எடுத்த வீரர் என்ற புதிய சரித்திரத்தையும் படைத்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

92 0 0