உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

ஜஸ்வர் உமருக்கு எதிரான ஆட்சேபனை நிராகரிப்பு.!

இலங்கை செய்திகள் 7 மாதங்கள் முன்
89 பார்வைகள்

எதிர்வரும் தேசிய ஒலிம்பிக் கொமிட்டி தேர்தலுக்கு முன்னதாக இடம்பெற்ற ஒரு முக்கிய முன்னேற்றமாக, இலங்கை உதைபந்தாட்ட சம்மேளனத்தின் தலைவர் ஜஸ்வர் உமரின் வேட்புமனுவுக்கு எதிராக முன்வைக்கப்பட்ட அனைத்து ஆட்சேபனைகளையும் சுயாதீன தேர்தல் குழு உத்தியோகபூர்வமாக நிராகரித்துள்ளது.

இந்த முடிவை மேலும் உறுதிப்படுத்தும் வகையில், ஆசிய ஒலிம்பிக் பேரவையிடமிருந்து கிடைக்கப்பெற்ற உத்தியோகபூர்வ கடிதத்தின் மூலம், ஜஸ்வர் உமர் சர்வதேச ஒலிம்பிக் கொமிட்டி அல்லது ஆசிய ஒலிம்பிக் பேரவையினால் எவ்வித விசாரணைக்கும் உட்படுத்தப்படவில்லை என்பது உறுதி செய்யப்பட்டுள்ளது.

இதன் மூலம் அவரது தகைமைகள் குறித்த சந்தேகங்கள் அனைத்தும் நிவர்த்தி செய்யப்பட்டுள்ளன.

இந்த வார தொடக்கத்தில், வேட்புமனுக்கள் ஏற்றுக்கொள்ளப்பட்டதைத் தொடர்ந்து, ஜஸ்வர் உமரின் வேட்புமனுவுக்கு எதிராக பிரிதிவிராஜ் பெரேரா, முகமது ரிஃப்டி ஃபஹ்மி மற்றும் சுனில் சேனவீர ஆகியோரால் மூன்று ஆட்சேபனைகள் தாக்கல் செய்யப்பட்டிருந்தன.

அதற்குப் பதிலளிக்கும் வகையில், சுவிட்சர்லாந்தை தளமாகக் கொண்ட சர்வதேச விளையாட்டுச் சட்டம் மற்றும் நடுவர் மன்ற விவகாரங்களில் நிபுணத்துவம் பெற்ற சட்ட நிறுவனம் ஊடாக ஜஸ்வர் உமர் முழுமையான எதிர்ப்பு ஆவணங்களைச் சமர்ப்பித்திருந்தார்.

கிடைக்கப்பெற்ற அனைத்து எழுத்துப்பூர்வ சமர்ப்பணங்களையும் விரிவாகப் பரிசீலித்த பின்னர், ஓய்வுபெற்ற உயர்நீதிமன்ற நீதியரசர் கே.டி. சித்திரசிறி தலைமையிலான தேர்தல் குழு, நீதியரசர் பியசேன ரணசிங்க மற்றும் ஜனாதிபதி சட்டத்தரணி ஹர்ஷ அமரசேகர ஆகியோருடன் இணைந்து அந்த ஆட்சேபனைகளை நியாயமான அடிப்படையில் நிராகரித்துள்ளது.

தேர்தல் செயல்முறை முழுவதும், ஆசிய ஒலிம்பிக் பேரவையானது தற்போதைய தேசிய ஒலிம்பிக் கொமிட்டி தலைவர் சுரேஷ் சுப்ரமணியத்திற்கு ஒரு காட்டமான கடிதத்தை அனுப்பியுள்ளது. அதில் இத்தேர்தல் எவ்வித பாகுபாடு அல்லது தேவையற்ற அழுத்தங்கள் இன்றி சுதந்திரமாகவும், நேர்மையாகவும், வெளிப்படையாகவும் நடத்தப்பட வேண்டும் என்று வலியுறுத்தியுள்ளது.

மேலும், சட்டச் சிக்கல்கள் அல்லது தேர்தலைத் தாமதப்படுத்தும் முயற்சிகள் ஏற்பட்டால், தற்போதைய நிர்வாகக் குழுவின் பதவிக்காலம் தானாகவே நீடிக்கப்பட மாட்டாது என்பதையும் அக்கடிதம் தெளிவுபடுத்தியுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

137 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

126 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

124 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

127 0 0