உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

மக்கள் வங்கி, இலங்கை வங்கி, தேசிய சேமிப்பு வங்கி:கடந்த வருட அறிக்கைகள் ஜனாதிபதியிடம் கையளிப்பு

இலங்கை செய்திகள் 7 மாதங்கள் முன்
90 பார்வைகள்

இலங்கையின் முன்னணி அரச வங்கிகளான மக்கள் வங்கி, இலங்கை வங்கி மற்றும் தேசிய சேமிப்பு வங்கி ஆகியன 2025ஆம் ஆண்டில் தமது வரலாற்றில் மிக உயர்ந்த இலாபத்தைப் பதிவு செய்துள்ளன. இவ்வங்கிகளின் 2025ஆம் ஆண்டுக்கான வருடாந்த அறிக்கைகள் இன்று திங்கட்கிழமை பிற்பகல் ஜனாதிபதி அலுவலகத்தில் வைத்து ஜனாதிபதி அநுரகுமார திஸாநாயக்கவிடம் கையளிக்கப்பட்டன.

மக்கள் வங்கி

மக்கள் வங்கியின் தலைவர் பேராசிரியர் நாரத பெர்னாண்டோ அறிக்கையைக் கையளித்த போது, வங்கி வரலாற்றில் இதுவரை இல்லாத அதிகூடிய இலாபத்தை 2025இல் ஈட்டியுள்ளதாகக் குறிப்பிட்டார்.

* வரிக்கு முந்திய இலாபம்: 64.4 பில்லியன் ரூபா.
* வரிக்குப் பிந்திய இலாபம்: 40 பில்லியன் ரூபா.

இலங்கை வங்கி

இலங்கை வங்கி தனது 87 வருட கால வரலாற்றில் ஈட்டிய மிகப்பெரிய இலாபத்தை இம்முறை பதிவு செய்துள்ளது என்று அதன் தலைவர் காவிந்த டி சொய்சா தெரிவித்தார்.

* வரிக்கு முந்திய இலாபம்: 120.8 பில்லியன் ரூபா.
* அரசுக்குச் செலுத்தப்பட்ட வரி: 77 பில்லியன் ரூபா.

தேசிய சேமிப்பு வங்கி

தேசிய சேமிப்பு வங்கி அனைத்து வரிகளுக்கும் முன்னர் 59 பில்லியன் ரூபா இலாபத்தைப் பெற்றுள்ளது என்று அதன் தலைவர் கலாநிதி ஹர்ஷ கப்ரால் தெரிவித்தார். அத்துடன், இலாபப் பங்காக திறைசேரிக்கு 6 பில்லியன் ரூபாவை வங்கி வழங்கியுள்ளது என்றும் அவர் சுட்டிக்காட்டினார்.

அரசின் பொருளாதாரக் கொள்கைகளுக்கு அமைவாக, உயர் நிதி ஒழுக்கத்துடன் செயற்பட்டதே இந்தச் சாதனைக்குக் காரணம் என்று  வங்கித் தலைவர்கள் தெரிவித்தனர். இந்த வெற்றியில் வங்கி ஊழியர்களின் அர்ப்பணிப்பான ஒத்துழைப்பையும் அவர்கள் இதன்போது நன்றியுடன் நினைவு கூர்ந்தனர்.

இந்நிகழ்வில் பிரதி அமைச்சர் கலாநிதி அனில் ஜயந்த பெர்னாண்டோ, அமைச்சின் செயலாளர் கலாநிதி ஹர்ஷன சூரியப்பெரும மற்றும் வங்கிகளின் பிரதம நிறைவேற்று அதிகாரிகள் உள்ளிட்ட சிரேஷ்ட அதிகாரிகள் பலரும் கலந்துகொண்டனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

135 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

122 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

124 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

127 0 0