உசேன் போல்ட்டின் சாதனையை முறியடித்த 18 வயது கவுட்

8 வயதான கவுட் கவுட், 200 மீட்டர் தூரத்தை வெறும் 19.67 வினாடிகளில் கடந்து புதிய உலக சாதனை படைத்துள்ளார்.

சிட்னியில் ஞாயிற்றுக்கிழமை நடைபெற்ற ஆஸ்திரேலிய தடகள சாம்பியன்ஷிப் போட்டியின் 200 மீட்டர் இறுதிப் போட்டியிலேயே அவர் இந்த சாதனையை படைத்துள்ளார்.

இதன் மூலம், 20 வயதிற்குட்பட்டோருக்கான (Under-20) உலக சாதனையை அவர் முறியடித்துள்ளார்.ஜமைக்காவின் உசைன் போல்ட் தனது 18 ஆவது வயதில் 200 மீட்டரை 19.93 வினாடிகளில் கடந்ததே சாதனையாக இருந்தது.
தற்போது கவுட் கவுட் 19.67 வினாடிகளில் கடந்து, அதே வயதில் போல்ட்டை விட அதிவேகமான வீரராக உருவெடுத்துள்ளார்.

தென் சூடான் வம்சாவளியைச் சேர்ந்த இவர், சிட்னி ஒலிம்பிக் பூங்காவில் இந்த மைல்கல்லை எட்டியதன் மூலம், 20 வினாடிகளுக்குக் குறைவாக 200 மீட்டரைக் கடந்த முதல் அவுஸ்திரேலியர் என்ற பெருமையையும் பெற்றுள்ளார்.