மும்பையை வீழ்த்தி; ரோயல் சேலஞ்சர்ஸ் பெங்களூரு அணி வெற்றி!

ஐ.பி.எல். 2026 டி20 கிரிக்கெட் தொடரின் 20ஆவது போட்டியில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள் நேற்று 12 ஆம் திகதி மோதின.

மும்பையில் உள்ள வான்கடே மைதானத்தில் நடந்த இந்த போட்டியில் நாணயசுழற்சியில் வென்ற மும்பை இந்தியன்ஸ் அணி பந்துவீச்சை தேர்வு செய்தது.
இதைத் தொடர்ந்து துடுப்பெடுத்தாடிய ரோயல் சேலஞ்சர்ஸ் பெங்களூரு அணிக்கு பில் சால்ட் மற்றும் விராட் கோலி சிறப்பாக விளையாடினர்.
சால்ட் 36 பந்துகளில் 78 ஓட்டங்கள் (6 பவுண்டரிகள், 6 சிக்சர்கள்) விளாச, விராட் கோலி 38 பந்துகளில் 50 ஓட்டங்கள் (5 பவுண்டரிகள், 1 சிக்சர்) எடுத்தனர்.

தொடர்ந்து ஆடிய கேப்டன் ரஜத் பட்டிதார் 20 பந்துகளில் 53ஓட்டங்களும், டிம் டேவிட் 16 பந்துகளில் 34 ஓட்டங்களும் குவித்தனர்.

இதன் காரணமாக ஆர்.சி.பி. அணி 20 ஓவர்கள் முடிவில் 4 விக்கெட் இழப்புக்கு 240 ஓட்டங்களை குவித்தது.
தொடர்ந்து ஆடிய மும்பை இந்தியன்ஸ் அணிக்கு ரிக்கில்டன் 22 பந்துகளில் 37 ஓட்டங்கள், ரோகித் சர்மா 13 பந்துகளில் 19 ஓட்டங்கள், சூர்யகுமார் யாதவ் 22 பந்துகளில் 33 ஓட்டங்கள் குவித்தார்கள்.
போட்டி முடிவில் மும்பை அணி 5 விக்கெட் இழப்புக்கு 222 ஓட்டங்களை எடுத்தது.

இதன்மூலம் ஆர்.சி.பி. அணி 18 ஓட்டங்கள் வித்தியாசத்தில் வெற்றி பெற்றது. மும்பை இந்தியன்ஸ் அணிக்கு ரூத்தர்ஃபோர்டு 31 பந்துகளில் 71 ஓட்டங்கள் எடுத்தார்.