உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

உலகக் கிண்ண சீருடைகளில் கோளாறு: நைக்கி நிறுவனம் அவசர விசாரணை !

76 பார்வைகள்

உலகப் புகழ்பெற்ற விளையாட்டு உபகரணத் தயாரிப்பு நிறுவனமான நைக்கி (Nike), எதிர்வரும் உலகக் கிண்ணக் காற்பந்து தொடருக்காகத் தான் தயாரித்துள்ள சீருடைகளில் (Kits) ஏற்பட்டுள்ள வடிவமைப்பு குறைபாடு குறித்து விசாரணைகளை ஆரம்பித்துள்ளது.

எதிர்வரும் ஜூன் 11ஆம் திகதி அமெரிக்கா, கனடா மற்றும் மெக்சிகோ ஆகிய நாடுகளில் ஆரம்பமாகவுள்ள உலகக் கிண்ணக் காற்பந்து தொடருக்காக இங்கிலாந்து, பிரான்ஸ், பிரேசில் உள்ளிட்ட பல நாடுகளின் சீருடைகளை நைக்கி நிறுவனம் தயாரித்துள்ளது.

அண்மையில் நடைபெற்ற சர்வதேசப் போட்டிகளின் போது, இங்கிலாந்து மற்றும் பிரான்ஸ் வீரர்கள் அணிந்திருந்த சீருடைகளின் தோள்பட்டைத் தையல் பகுதிகளில் (Shoulder seams) ஒருவித வீக்க தன்மை (Bulging) காணப்பட்டது.

இது குறித்து கருத்துத் தெரிவித்துள்ள நைக்கி நிறுவனப் பேச்சாளர், “தேசிய அணிகளுக்கான எமது சீருடைகளில் தோள்பட்டைத் தையல் பகுதியில் ஒரு சிறிய குறைபாடு இருப்பதை அவதானித்துள்ளோம் எனவும் இது வீரர்களின் ஆட்டத் திறனைப் பாதிக்காது என்றாலும், அதன் தோற்றம் (Aesthetic) நாம் எதிர்பார்த்த தரத்தில் இல்லை” எனத் தெரிவித்துள்ளார்.

இந்நிலையில் தங்களது தயாரிப்புத் தரத்தில் ஏற்பட்ட இந்தச் சரிவைச் சரிசெய்ய விரைந்து நடவடிக்கை எடுத்து வருவதாகவும் அவர் குறிப்பிட்டார்.

வீரர்கள் அணியும் ‘Match’ சட்டைகள் மட்டுமன்றி, ரசிகர்கள் வாங்குவதற்காகத் தயாரிக்கப்பட்ட ‘Stadium’ சட்டைகளிலும் இதே குறைபாடு காணப்படுகின்றது.

அதிக விலை கொடுத்து வாங்கிய சட்டைகளில் இவ்வாறான குறைபாடுகள் இருப்பது ரசிகர்களிடையே பெரும் அதிருப்தியை ஏற்படுத்தியுள்ளது.

இந்நிலையில் அமெரிக்கா மற்றும் மெக்சிகோவின் கடும் வெப்பத்தைச் சமாளிக்கும் வகையில் ‘Performance Cooling’ தொழில்நுட்பத்துடன் இந்தச் சீருடைகள் வடிவமைக்கப்பட்டுள்ளன.

இங்கிலாந்து அணி தனது முதல் போட்டியில் ஜூன் 17ஆம் திகதி குரோஷியாவை எதிர்கொள்ளவுள்ள நிலையில், அதற்கு முன்னதாக இந்தப் பிரச்சினையைச் சரிசெய்ய நைக்கி நிறுவனம் திட்டமிட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0