செட்டிகுளம் வைத்தியசாலைக்கு சத்தியலிங்கம் எம்பி களவிஜயம் ; பிரச்சினைகள் தொடர்பில் நேரில் ஆராய்ந்தார்….!
வவுனியாவின் செட்டிகுளம் ஆதார வைத்தியசாலைக்கு இலங்கைத் தமிழ் அரசுக் கட்சியின் பாராளுமன்ற உறுப்பினர் மருத்துவர் ப.சத்தியலிங்கம் அவர்கள் இன்று ஏப்ரல் 08 ஆம் திகதி களவிஜயம் ஒன்றினை மேற்கொண்டிருந்தார். செட்டிகுளம் வைத்தியசாலை அபிவிருத்திக்குழுவினரின் கோரிக்கையின் பிரகாரம் இந்த விஜயம் இடம்பெற்றிருந்தது.
இதன்போது வைத்தியசாலையின் உடனடி தேவைப்பாடுகள், முக்கிய பிரச்சினைகள் தொடர்பில் வைத்தியசாலை பொறுப்புவைத்திய அதிகாரி, உத்தியோகத்தர்கள் ஆகியோருடன் கலந்துரையாடி கேட்டறிந்துகொண்டார். மேலும் வைத்தியசாலையில் மேற்கொள்ளப்படவேண்டிய அவசர திருத்தவேலைகள் தொடர்பிலும் இதன்போது பாராளுமன்ற உறுப்பினருக்கு தெரியப்படுத்தப்பட்டது.
விடயங்கள் தொடர்பில் அமைச்சுமட்ட கவனத்திற்கு கொண்டுசென்று தீர்வினை பெற்றுதருவதாக குறிப்பிட்டிருந்தார். தொடர்ந்து வைத்தியசாலை வளாகத்தினையும் பார்வையிட்டிருந்தார்.
இவ்விஜயத்தின்போது வெங்கலச்செட்டிகுளம் பிரதேசசபை தவிசாளர் முகம்மட் இம்தியாஸ், உபதவிசாளர் தேவசகாயம் சிவானந்தராசா, பிரதேசசபை உறுப்பினர் உதயன், பாராளுமன்ற உறுப்பினரின் செட்டிகுளம் பிரதேச இணைப்பாளர் பத்மசீலன், வைத்தியசாலை அபிவிருத்தி குழுவினர் ஆகியோரும் இணைந்திருந்தமை குறிப்பிடத்தக்கது.
