உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

அதிரடி ஆட்டத்தால் மும்பையை 27 ஓட்டங்களால் வீழ்த்திய ராஜஸ்தான்!

148 பார்வைகள்

மழையால் பாதிக்கப்பட்ட 2026 இந்தியன் பிரீமியர் லீக் தொடரின் நேற்றைய தினம் ஏப்ரல் 07 ஆம் திகதி போட்டியில் ராஜஸ்தான் ரோயல்ஸ் அணி மும்பை இந்தியன்ஸ் அணியை 27 ஓட்டங்கள் வித்தியாசத்தில் வீழ்த்தியது.

நேற்றிரவு 07.30 மணிக்கு ஆரம்பமாகவிருந்த போட்டியின் தொடக்கமானது தொடர் மழையின் காரணமாக இரண்டரை மணி நேரத்திற்கும் மேலாகத் தாமதமானது.

பின்னர் வானிலை சீராக, இரு அணிகளுக்கும் 11 ஓவர்கள் மட்டுப்படுத்தப்பட்ட நிலையில் போட்டி ஆரம்பமானது.

முதலில் துடுப்பெடுத்தாடிய ராஜஸ்தான் அணி மூன்று விக்கெட் இழப்பிற்கு 150 ஓட்டங்கள் என்ற வலுவான இலக்கினை பதிவு செய்தது.

பார்சபாரா மைதானத்தில் முதலில் துடுப்பாட்டம் செய்ய அழைக்கப்பட்ட தொடக்க ஆட்டக்காரர்களான யஷஸ்வி ஜெய்ஸ்வால் மற்றும் வைபவ் சூர்யவன்ஷி, தொடக்கத்திலிருந்தே அதிரடியாக ஆடி, வெறும் 5 ஓவர்களில் 80 ஓட்டங்களை சேர்த்தனர்.

ஜெயஸ்வால் 32 பந்துகளில் ஆட்டமிழக்காமல் 77 ஓட்டங்களை எடுத்து அதிகபட்ச ஓட்ட எண்ணிக்கையை பதிவு செய்தார்.

அதேசமயம், 15 வயதான சூர்யவன்ஷி, தனது முதல் ஓவரிலேயே வேகப் பந்து வீச்சு ஜாம்பவான் ஜஸ்பிரித் பும்ராவின் பந்து வீச்சில் இரண்டு சிக்ஸர்கள் விளாசியதுடன் வெறும் 14 பந்துகளில் 39 ஓட்டங்களை குவித்தார்.

11 ஓவர்களுக்கு 151 என்ற கடினமான இலக்கின‍ை நோக்கி பதிலுக்கு துடுப்பெடுத்தாடிய மும்பை இந்தியன்ஸ் அணியின் வலுவான துடுப்பாட்ட வரிசை ஆரம்பத்திலேயே சரிந்தது.

இறுதியாக அவர்கள் ஒன்பது விக்கெட்டுகளை இழந்து 123 ஓட்டங்களை மாத்திரம் பெற்றுக் கொண்டனர்.

ராஜஸ்தான் அணி சார்பில் அதிகபடியாக சந்தீப் சர்மா மூன்று விக்கெட்டுகளை கைப்பற்றினார்.

போட்டியின் ஆட்டநாயகனாக யஷஸ்வி ஜெய்ஸ்வால் தெரிவானார்.

இந்த வெற்றியானது நடப்பு ஐபிஎல் தொடரில் ராஜஸ்தான் அணி பெற்றுக் கொண்ட மூன்றாவது வெற்றியாகும் என்பதுடன் இது அவர்களை புள்ளிப்பட்டியலில் முதலிடத்துக்கும் கொண்டு சேர்த்தது.

அதேநேரம், மும்பை அணியின் இரண்டாவது தோல்வியாகும் இது – புள்ளிகள் பட்டியலில் அவர்கள் ஏழாவது இடத்தில் உள்ளனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0