உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

குஜராத்தை வீழ்த்தி முதலிடத்துக்கு முன்னேறிய ராஜஸ்தான்!

134 பார்வைகள்

முன்னாள் சாம்பியனான ராஜஸ்தான் ரோயல்ஸ் அணியானது, ஏப்ரல் 04 ஆம் திகதி நேற்றிரவு நரேந்திர மோடி மைதானத்தில் குஜராத் டைட்டன்ஸ் அணியை 6 ஓட்டங்கள் வித்தியாசத்தில் வீழ்த்தி, 2026 இந்தியன் பிரீமியர் லீக் (ஐபிஎல்) தொடரில் தனது இரண்டாவது வெற்றியைப் பதிவு செய்தது.

நேற்றிரவு 07.30 மணிக்கு ஆரம்பமான இப் போட்டியில் நாணய சுழற்சியில் வெற்றி பெற்ற ரியான் பராக் தலைமையிலான ராஜஸ்தான் ரோயல்ஸ் அணியானது முதலில் துடுப்பெடுத்தாடி நிர்ணயிக்கப்பட்ட 20 ஓவர்கள் நிறைவில் ஆறு விக்கெட் இழப்புக்கு 210 ஓட்டங்களை குவித்தது.

அணியின் ஆரம்ப துடுப்பாட்ட வீரர்களான யஷஸ்வி ஜெயஸ்வால் 36 பந்துகளில் 55 ஓட்டங்களையும், வைபவ் சூர்யவன்ஷி 18 பந்துகளில் 31 ஓட்டங்களையும் பெற, துருவ் ஜூரல் அதிகபட்சமாக 42 பந்துகளில் 5 சிக்ஸர்கள், 5 பவுண்டரிகள் அடங்கலாக 75 ஓட்டங்கள‍ை எடுத்தார்.
பின்னர் பதிலுக்கு கடினமான இலக்கினை நோக்கி போராடிய ரஷித் கான் தலைமையிலான குஜராத் டைட்டன்ஸ் அணியால் நிர்ணயிக்கப்பட்ட 20 ஓவர்களில் எட்டு விக்கெட் இழப்புக்கு 204 ஓட்டங்களை மாத்திரம் பெறமுடிந்தது.

அந்த அணி சார்பில் அதிகபடியாக ஆரம்ப துடுப்பாட்ட வீரரான சாய் சுதர்சன் 44 பந்துகளில் மூன்று சிக்ஸர்கள், ஒன்பது பவுண்டரிகள் அடங்கலாக 73 ஓட்டங்களை எடுத்தார்.

ராஜஸ்தான் அணிக்காக பந்து வீச்சில் ரவி பிஷ்னோய் 4 விக்கெட்டுகளை கைப்பற்றியதுடன் போட்டியின் ஆட்டநாயகனாகவும் தெரிவு செய்யப்பட்டார்.

இந்த வெற்றியானது, நடப்பு ஐபிஎல் தொடரில் ராஜஸ்தான் ரோயல்ஸ் அணிக்கு அடுத்த போட்டிக்கான உத்வேகத்தை அளித்ததுடன், புள்ளிப் பட்டியலில் அவர்களை முதலிடத்துக்கு கொண்டு சேர்த்தது.

அதேநேரம், இது தொடரில் குஜராத் டைட்டன்ஸ் அணியின் இரண்டாவது தோல்வியாகும் – அவர்கள் புள்ளிப் பட்டியலில் ஏழாவது இடத்தில் உள்ளனர்.
இதேவேளை, டெல்லி அருண் ஜெட்லி மைதானத்தில் நேற்று மாலை நடந்த மற்றொரு ஐபிஎல் போட்டியில் டெல்லி கேபிட்டல்ஸ் அணியானது, மும்பை இந்தியன்ஸ் அணியை ஆறு விக்கெட்டுகளினால் வீழ்த்தியிருந்தது.

போட்டியில் முதலில் துடுப்பெடுத்தாடிய மும்பை 6 விக்கெட் இழப்புக்கு 162 ஓட்டங்களை எடுத்தது.

பின்னர் பதிலுக்கு துடுப்பெடுத்தாடிய டெல்லி அணியானது 18.1 ஓவரில் நான்கு விக்கெட்டுகளை மாத்திரம் இழந்து 164 ஓட்டங்களை எடுத்து வெற்றி இலக்கினை கடந்தது.

டெல்லி அணிக்காக விளையாடிய இலங்கை நட்சத்திரம் பத்தும் நிஸ்ஸங்க இந்த இன்னிங்ஸில் 30 பந்துகளில் 44 ஓட்டங்களை பெற்றுக் கொண்டமையும் குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0