உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

வல்வெட்டித்துறை சபையில் சிவாஜிலிங்கத்துக்கு அஞ்சலி.!

163 பார்வைகள்

“வட்டுக்கோட்டை முதல் வல்வெட்டித்துறை வரையான எம்.கே. சிவாஜிலிங்கத்தின் தமிழ் மக்களின் விடுதலைக்கான 50 ஆண்டுகாலப் போராட்டம் ஓய்ந்தது. அவரது உடல் பிரிந்தாலும் ஆன்மா எங்களை என்றென்றும் வழிநடத்தும்” என்று வல்வெட்டித்துறை நகர சபையில் நடைபெற்ற அஞ்சலி நிகழ்வில் புகழாரம் சூட்டப்பட்டது.

வல்வெட்டித்துறை நகர சபையின் 17ஆவது சபை அமர்வு பதில் நகரபிதா நாகதம்பி பத்மநாதன் தலைமையில் நேற்று வெள்ளிக்கிழமை காலை 9.30 மணிக்கு ஆரம்பமாகி நடைபெற்றது.

நகர சபை மாநாட்டு மண்டபத்தில் இடம்பெற்ற இந்த அமர்வில், நகர சபைச் செயலாளர் குணபாலசிங்கம் ராஜ்குமார் உள்ளிட்ட சபைக்குத் தெரிவு செய்யப்பட்ட உறுப்பினர்கள் பங்கேற்றனர்.

அகவணக்கத்தைத் தொடர்ந்து, அண்மையில் சுகயீனம் காரணமாக உயிரிழந்த வல்வெட்டித்துறை நகரபிதா எம்.கே. சிவாஜிலிங்கத்துக்கு அஞ்சலி செலுத்தும் நிகழ்வு இடம்பெற்றது.

இதன்போது, சிவாஜிலிங்கத்தின் உருவப் படத்துக்கு முன்னாள் நகரபிதாவும் உறுப்பினருமான திருமதி தவமலர் சுரேந்திரநாதன் மாலை அணிவித்து அஞ்சலி செலுத்தினார். பதில் நகரபிதா நா. பத்மநாதன் தலைமையில் இடம்பெற்ற இந்த நிகழ்வில் செயலாளர், உறுப்பினர்கள், உத்தியோகத்தர்கள் உள்ளிட்டோர் மலர் தூவி, மெழுகுவர்த்தி ஏற்றி அஞ்சலி செலுத்தினர்.

தொடர்ந்து இடம்பெற்ற அஞ்சலி உரையின்போது, மறைந்த நகரபிதா எம்.கே. சிவாஜிலிங்கம் முன்னெடுத்த மக்கள் பணிகளைத் தொடர்ந்தும் முன்னெடுத்துச் செல்வோம் என்று பதில் நகரபிதா தெரிவித்தார்.

இதன்போது நகர சபை உறுப்பினர் ஆறுமுகம் ஞானேஸ்வரன் அஞ்சலி உரையாற்றுகையில்,
“1976ஆம் ஆண்டு வட்டுக்கோட்டைப் பேராளர் மாநாட்டில் தொடங்கிய எம்.கே. சிவாஜிலிங்கத்தின் பயணம், 2026ஆம் ஆண்டு வரை வல்வெட்டித்துறை நகர சபையில் தொடர்ந்தது. தமிழ் மக்களின் விடுதலைக்கான அவரது 50 ஆண்டுகாலப் போராட்டம் ஓய்ந்தது. அவரது உடல் எம்மை விட்டுப் பிரிந்தாலும் ஆன்மா எங்களை என்றென்றும் வழிநடத்தும்.

சிவாஜிலிங்கத்தின் உருவப் படத்துக்கு மாலை அணிவிக்கும்போதும் மலர் தூவி அஞ்சலிக்கும்போதும் வல்வை முத்துமாரி அம்மன் ஆலய மணி ஒலித்தது. முத்துமாரி அம்மன் பாதார கமலத்தில் அவரது ஆன்மா இளைப்பாறும். அவரது இழப்பு வல்வெட்டித்துறை மண்ணுக்கு ஈடுசெய்ய முடியாத பேரிழப்பாகும். அவர் விட்டுச்சென்ற மக்கள் பணியைக் குந்தகம் விளைவிக்காது தொடர்வதுதான் அவருக்கு நாம் செய்யும் உண்மையான அஞ்சலியாகும்.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

114 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

126 0 0
இலங்கை செய்திகள்

ஹட்டன் நகரில் தொடர் கொள்ளை!

இன்று காலை (22) ஹட்டன் நகரில் உள்ள பின் சாலையில் அமைந்துள்ள 4 கடைகளில் திருடன் புகுந்துள்ளதாக ஹட்டன் காவல்துறை தெரிவித்துள்ளது. தங்கப் பொருட்கள் தயாரிக்கும் 3…

118 0 0
இலங்கை செய்திகள்

மல்வத்தை கோர விபத்து: தீவிர சிகிச்சை பெற்று வந்த மற்றைய இளைஞரும் உயி@ரிழப்பு!

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் கடந்த வெள்ளிக்கிழமை (20) மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

129 0 0