தங்கம் வாங்க காத்திருப்போருக்கு மகிழ்ச்சியான செய்தி.!
உலக சந்தையில் தங்கத்தின் விலை சடுதியாக வீழ்ச்சியடைந்து வரும் நிலையில், தற்போது ஒரு அவுன்ஸ் தங்கத்தின் விலை 3,526 அமெரிக்க டொலர்களாகப் பதிவாகியுள்ளது. இதற்கமைய, உலக சந்தையில் தங்கத்தின் விலை 3,500 டொலர் எல்லையை அண்மித்துள்ளது.
இதன் எதிரொலியாக இலங்கையிலும் தங்கத்தின் விலை இன்று வெள்ளிக்கிழமை (20) 7,000 ரூபாவால் குறைவடைந்துள்ளதாகச் சந்தைத் தரவுகள் தெரிவிக்கின்றன.
இன்று முற்பகல் 10.00 மணிக்கு இற்றைப்படுத்தப்பட்ட விலை விபரங்களுக்கு அமைய, 24 கரட் தங்கப் பவுண் ஒன்று 345,000 ரூபாவாகவும், 22 கரட் தங்கப் பவுண் ஒன்று 317,400 ரூபாவாகவும் விற்பனை செய்யப்படுகிறது.
நேற்றைய தினம் 24 கரட் தங்கப் பவுண் ஒன்று 352,000 ரூபாவாகவும், 22 கரட் தங்கப் பவுண் ஒன்று 323,800 ரூபாவாகவும் பதிவாகியிருந்தமை குறிப்பிடத்தக்கது.


