குளவிக் கொட்டுக்கு இலக்கான மாணவர்கள் வைத்தியசாலையில் அனுமதி.!
நானுஓயா பொலிஸ் பிரிவுக்குட்பட்ட நானுஓயா எபட்ஸ்போட் தமிழ் வித்தியாலயத்தில் கட்டிடமொன்றின் கூரையிலிருந்து குளவிக்கூடு கலைந்ததில் அங்கிருந்த மாணவர்கள் சிலர் குளவிக் கொட்டுக்கு இலக்காகியுள்ளனர்.
இன்று (18) காலை இந்த சம்பவம் இடம்பெற்றுள்ளது.
இதில் 6 மாணவர்கள் குளவி தாக்குதலால் பாதிக்கப்பட்டுள்ளனர் எனவும் அவர்கள் 1990 அவசர நோயாளர் காவுவண்டி மூலம் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.


