ஐஸ் போ*தைப்பொருளுடன் ஒருவர் கைது.!
வத்தளை, கெரவலப்பிட்டி பகுதியில் 01 கிலோகிராம் 31 கிராம் ஐஸ் போதைப்பொருளுடன் சந்தேகநபர் ஒருவர் நேற்று (12) வியாழக்கிழமை கைது செய்யப்பட்டுள்ளார்.
ஹெந்தளை பகுதியைச் சேர்ந்த 42 வயதுடையவரே இவ்வாறு கைது செய்யப்பட்டுள்ளார்.
வத்தளை பொலிஸ் பிரிவுக்குட்பட்ட கெரவலப்பிட்டி பகுதியில் பொலிஸ் விசேட அதிரடிப்படையின் ஸ்ரீ ஜயவர்தனபுர முகாமைச் சேர்ந்த அதிகாரிகள் குழுவினர், இரகசிய தகவலின் அடிப்படையில் சுற்றிவளைப்பை மேற்கொண்டு சந்தேக நபரை கைது செய்துள்ளதாக பொலிஸார் தெரிவித்தனர்.
இதன்போது, 01 கிலோகிராம் 31 கிராம் ஐஸ் போதைப்பொருள் கைப்பற்றப்பட்டது.
மேலதிக விசாரணைகளுக்காக சந்தேகநபர் வத்தளை பொலிஸ் நிலையத்தில் ஒப்படைக்கப்பட்டுள்ளார்.
இச்சம்பவம் தொடர்பான மேலதிக விசாரணைகளில் வத்தளை பொலிஸார் ஈடுபட்டு வருகின்றனர்.


