உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

மக்களின் கருத்தறியாது சட்டமூலம் நிறைவேறாது! – தேசிய தொழிற்சங்க மாநாட்டில் ஜனாதிபதி உறுதி

இலங்கை செய்திகள் 2 வாரங்கள் முன்
136 பார்வைகள்

பொதுமக்கள் மற்றும் சம்பந்தப்பட்ட தரப்பினருடன் கலந்தாலோசிக்காமல், பயங்கரவாதத்திலிருந்து அரசைப் பாதுகாக்கும் சட்டமூலம் மற்றும் ஒழுங்கமைக்கப்பட்ட குற்றங்களைத் தடுக்கும் சட்டமூலம் ஆகியவற்றை நாடாளுமன்றத்தில் நிறைவேற்றுவதற்கு அரசு எந்தவொரு சந்தர்ப்பத்திலும் நடவடிக்கை எடுக்காது என்று ஜனாதிபதி அநுரகுமார திஸாநாயக்க உறுதியளித்தார்.

இது தொடர்பான அரசின் தீர்மானம் நேற்றுக் காலை நடைபெற்ற கலந்துரையாடலின்போது எடுக்கப்பட்டது என்றும் அவர் குறிப்பிட்டார்.

கொழும்பில் நேற்று நடைபெற்ற தேசிய தொழிற்சங்க மாநாட்டில் உரையாற்றியபோதே ஜனாதிபதி மேற்கண்டவாறு தெரிவித்தார்.

முன்மொழியப்பட்டுள்ள மேற்படி சட்டமூலங்கள் தொடர்பில் எதிர்ப்புகளையும் சந்தேகங்களையும் வெளிப்படுத்தியுள்ள சிவில் சமூக அமைப்புகள், தொழிற்சங்கங்கள் உள்ளிட்ட சம்பந்தப்பட்ட அனைத்துத் தரப்பினருடனும் விரிவாகக் கலந்தாலோசித்து, பரந்தளவிலான இணக்கப்பாட்டை எட்டிய பின்னரே அவற்றை நாடாளுமன்றத்தில் முன்னெடுத்துச் செல்ல அரசு எதிர்பார்க்கின்றது என்றும்  ஜனாதிபதி சுட்டிக்காட்டினார்.

“சட்டங்கள் மற்றும் ஒழுங்குவிதிப் பலப்பிரயோகங்களைப் பயன்படுத்தி எப்போதுமே ஆட்சியில் நீடிக்கும் குறுகிய நோக்கம் எமது அரசுக்குக் கிடையாது” என்றும் அவர் இதன்போது திட்டவட்டமாக வலியுறுத்தினார்.

“சட்டங்கள் மற்றும் அடக்குமுறை விதிகளின் மூலம் ஆட்சியைத் தக்கவைத்துக் கொள்ள முற்படும் அரசு நாங்கள் அல்ல” என்று தெரிவித்த ஜனாதிபதி, மக்களின் ஜனநாயகத் தீர்மானத்துக்கு அரசு எப்போதும் மதிப்பளிக்கும் என்றும், தேர்தலொன்றின் மூலம் மக்கள் தம்மை ஆட்சியிலிருந்து அகற்றத் தீர்மானித்தால், அதனைத் தாழ்மையுடன் ஏற்றுக்கொண்டு உடனடியாகப் பதவி விலகத் தயார் என்றும் குறிப்பிட்டார்.

இதனிடையே, அரசால் முன்மொழியப்பட்டுள்ள மேற்படி இரு சட்டமூலங்களும் நாட்டின் அடிப்படை உரிமைகள் மற்றும் சிவில் சுதந்திரங்களைக் கடுமையாகப் பாதிக்கக்கூடும் என்ற அச்சத்தை முன்வைத்து, தொழிற்சங்கங்கள், சிவில் சமூக அமைப்புகள், சட்டத்துறை நிபுணர்கள் மற்றும் எதிர்க்கட்சிகள் தொடர்ச்சியான எதிர்ப்புகளை வெளிப்படுத்தி வந்தன.

இந்தச் சட்டமூலங்களை உடனடியாக மீளப்பெறக் கோரி கொழும்பில் கண்டன ஆர்ப்பாட்டங்களும் முன்னெடுக்கப்பட்டிருந்தன.

இந்நிலையில், இரு சட்டமூலங்களுக்கும் நாடாளுமன்றத்தின் அங்கீகாரத்தைப் பெறுவதற்கு முன்னர் பொதுமக்கள் மற்றும் சம்பந்தப்பட்ட அனைத்துத் தரப்பினருடனும் மேலதிக கலந்தாலோசனைகளை நடத்த அரசு தீர்மானித்துள்ளமை ஜனாதிபதியின் இந்த அறிவிப்பின் மூலம் உத்தியோகபூர்வமாக உறுதிப்படுத்தப்பட்டுள்ளது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தமிழீழ தேசியக் கொடி நாள்’ வாரம் லண்டனில் முன்னெடுப்பு

நாடு கடந்த தமிழீழ அரசாங்கத்தினால் ‘நவம்பர் 21ம் திகதி (21-11-2026) தமிழீழ தேசியக் கொடி நாள்’ வாரம் ஆரம்பிக்கப்பட்டுள்ள நிலையில், லண்டனில் குறித்த நிகழ்வு வைபவ ரீதியாக…

109 0 0
இலங்கை செய்திகள்

கோட்டாவின் வழியில் அநுர அரசாங்கம்! : அம்பாறையில் சஜித் கடும் சாடல்

கோட்டாபய ராஜபக்ஷவைப் போலவே அநுரகுமார திஸாநாயக்க அரசும் விவசாயிகளை ஏமாற்றியுள்ளது என்று எதிர்க்கட்சித் தலைவர் சஜித் பிரேமதாஸ தெரிவித்தார். அம்பாறை மாவட்டத்தில் இன்று ஞாயிற்றுக்கிழமை நடைபெற்ற விவசாயிகள்…

121 0 0
இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

128 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

132 0 0