உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

பொதுபல சேனா அமைப்பின் ஊடகவியலாளர் சந்திப்பு

இலங்கை செய்திகள் 2 மாதங்கள் முன்
125 பார்வைகள்

பொதுபல சேனா அமைப்பினால் ஏற்பாடு செய்யப்பட்ட விசேட ஊடகவியலாளர் சந்திப்பொன்று இன்றைய தினம் (08) கொழும்பு இராஜகிரியவில் அமைந்துள்ள ஞானசார தேரரின் விகாரையில் நடைபெற்றது.

இச்சந்திப்பில் கருத்துத் தெரிவித்த வணக்கத்திற்குரிய இந்துராகாரே தம்மரத்தன தேரர், சிறைச்சாலையில் ஞானசார தேரரின் காவி உடை (சீவரம்) களையப்பட்டது தொடர்பாக, தேரர்கள் மற்றும் பொதுமக்கள் பலருடன் ஜூம் (Zoom) தொழில்நுட்பம் வழியே தீர்க்கமான கலந்தாலோசனை மேற்கொள்ளப்பட்டதாகக் குறிப்பிட்டார்.

அவ்வாறு காவி உடையை அகற்றுவதனால் ஒருவரின் துறவறம் இல்லாது போய்விடாது என வலியுறுத்திய அவர், இலங்கை சந்திக்கவிருந்த பல்வேறு சவால்கள் குறித்து ஞானசார தேரர் தனது புத்தகத்தில் முன்கூட்டியே பதிவு செய்துள்ளார் எனவும் தெரிவித்தார்.

மேலும், நாட்டின் தற்போதைய சிக்கல்களுக்கு பலர் கட்சி அரசியலின் குறுகிய பார்வையில் இருந்து அனைத்தையும் அணுகுவதே பிரதான காரணம் எனச் சுட்டிக்காட்டிய தேரர், சமூக ஊடகங்களில் சிலர் “அடுத்து சிறை ஆடை அணிவிக்கப்படப்போவது இந்துராகாரே தம்மரத்தன தேரருக்கே” எனக் கூறி வருவதாகக் குறிப்பிட்டதுடன், ஞானசார தேரருக்கு ஆசி வேண்டி நாடு முழுவதிலும் போதி பூஜைகளை நடத்துமாறு கோரிக்கை விடுத்தார்.

தொடர்ந்து உரையாற்றிய ஜனாதிபதி சட்டத்தரணி அனுர மெத்தேகொட, இந்த ஊடகவியலாளர் சந்திப்பு எந்தவொரு அரசியல் கட்சியையும் சாராத, நடுநிலையான அமைப்பில் நடத்தப்படுவதாகவும், தாம் அனைத்து மதத்தினரின் உரிமைகளுக்காகவும் தோன்றுவதாகவும் தெரிவித்தார்.

ஹோமாகம நீதிமன்ற வழக்கு குறித்து தாம் பேசப்போவதில்லை எனக் குறிப்பிட்ட அவர், 2019ஆம் ஆண்டு ஆணைக்குழுவின் முன்னிலையில் சாட்சியமளித்த காலத்தில் ஞானசார தேரருக்கு அச்சுறுத்தல்கள் இருந்ததால் காவல்துறை பாதுகாப்பு வழங்கப்பட்டிருந்ததைச் சுட்டிக்காட்டினார்.

ஆணைக்குழுவின் முடிவைக் காரணம் காட்டி அப் பாதுகாப்பை திடீரென விலக்கிக்கொள்ள முடியாது என வாதிட்ட அவர், முன்னாள் ஜனாதிபதியினால் ஞானசார தேரருக்கு பொதுமன்னிப்பு வழங்கப்பட்டமை தவறானது என உயர்நீதிமன்றம் கூறவில்லை என்றும், அப்பொதுமன்னிப்பு வழங்கப்பட்ட நடைமுறை முறையற்றது என்றே தீர்ப்பளித்ததாகவும் தெளிவுபடுத்தினார்.

அத்துடன், கடந்த காலங்களிலும் தேரர்கள் விளக்கமறியலில் வைக்கப்பட்டபோதிலும், நீதிமன்றத்திற்கு அழைத்து வரப்படும் வேளைகளில் அவர்கள் காவி உடையுடனேயே அழைத்து வரப்பட்டதாக அவர் மேலும் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

137 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

136 0 0