உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

இலங்கையில் உயரடுக்கு அரசியல் கலாசாரத்திற்கு முற்றுப்புள்ளி : சமீர பெரேரா கருத்து

இலங்கை செய்திகள் 2 மாதங்கள் முன்
113 பார்வைகள்

இலங்கையின் அரசியல் வரலாற்றில் நேற்று ஒரு புதிய அத்தியாயம் தொடங்‌கப்பட்டுள்ளதாகவும், நாட்டில் நிலவிவந்த உயரடுக்கு அரசியல் கலாசாரம் இதன் மூலம் முற்றாக முடிவுக்குக் கொண்டுவரப்பட்டுள்ளதாகவும் ‘ஜனநாயகத்திற்கான சிவில் அமைப்புகளின் பேரவை’யின் அழைப்பாளர் சமீர பெரேரா தெரிவித்துள்ளார்.

இன்றைய தினம் (08) கொழும்பில் நடைபெற்ற விசேட ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே அவர் இவ்வாறு குறிப்பிட்டுள்ளார்.

அவர் மேலும் உரையாற்றுகையில் தெரிவித்ததாவது:

“நேற்றைய தினம் இந்நாட்டின் வரலாற்றில் மிகவும் முக்கியத்துவம் வாய்ந்த ஒரு நாளாக மாறியுள்ளது. நாட்டில் இதுவரை காலம் இருந்துவந்த அரசியல் உயரடுக்கினரை (Political Elites) சட்டத்தின் முன் நிறுத்த முடியாது என்ற பிம்பமும் பொதுமக்களிடையே நிலவிவந்த ‘அவர்களும் ஒன்றுதான், இவர்களும் ஒன்றுதான்’ என்ற எண்ணமும் நேற்றைய தினத்துடன் முடிவுக்கு வந்துள்ளன.

சுதந்திரத்திற்குப் பிறகு ஆட்சிக்கு வந்த அரசாங்கங்கள் இந்த உயரடுக்கு அரசியல் கலாசாரத்தையே பாதுகாத்து வந்தன.

அரசியல்வாதிகள் தங்களுக்குள் ஒருவரை ஒருவர் பாதுகாத்துக் கொள்ளும் முறையே நிலவியது.

2015 ஆம் ஆண்டு ஆட்சிக்கு வந்த ரணில் விக்ரமசிங்கவின் அரசாங்கம், மஹிந்த ராஜபக்ஷவிற்கு எதிராகச் சட்டத்தை நடைமுறைப்படுத்துவதாகக் கூறி ஆட்சிக்கு வந்த போதிலும், இறுதியில் அந்த வழக்குகள் அனைத்தும் அமுக்கி வாசிக்கப்பட்டன.

அன்றைய காலப்பகுதியில் ஷிரந்தி ராஜபக்ஷவிடம் வாக்குமூலம் பெற சபாநாயகரின் உத்தியோகபூர்வ இல்லத்திற்கே அதிகாரிகள் சென்ற வரலாறே இருந்தது.
அதேபோல், ரணில் விக்ரமசிங்கவை சிறையில் அடைப்பதாகக் கூறி அதிகாரத்திற்கு வந்த கோட்டாபய ராஜபக்ஷ, இறுதியில் ரணிலிடமே ஜனாதிபதி பதவியை ஒப்படைத்துவிட்டுச் சென்றார்.

ஆனால், தற்போதைய அரசாங்கம் இந்த உயரடுக்கு அரசியல்வாதிகளைத் தொட முடியாது என்ற நிலையை முற்றாக மாற்றியமைத்துள்ளது. ஷிரந்தி ராஜபக்ஷ கைது செய்யப்பட்டதன் மூலம், இந்த ஊழல் நிறைந்த மாஃபியா அரசியல் கலாசாரத்திற்கு முற்றுப்புள்ளி வைக்கப்பட்டுள்ளது.

கடந்த காலங்களில் மொட்டு கட்சியின் முக்கிய உறுப்பினர்கள் கைது செய்யப்பட்ட போது அவர்களுக்கு ஆதரவாகப் பேரணியாக வந்த கூட்டத்தினரை நாம் கண்டோம். ஆனால் நேற்று நீதிமன்றத்திற்கு முன்பாக அப்படி எவரையும் காணமுடியவில்லை.

எனவே, எதிர்காலத்தில் அரசியல் செய்ய வருபவர்கள் திருட்டு, மோசடி, ஊழல், வன்முறை மற்றும் கொலைகளில் ஈடுபடுவதற்கு முன்னர் பலமுறை சிந்திக்க வேண்டியிருக்கும்.
உணர்ச்சிவசப்பட்டு இத்தகைய செயல்களில் ஈடுபடுபவர்கள், இறுதியில் தனித்தனியாகவே அதற்கான விளைவுகளை அனுபவிக்க நேரிடும் என்பதை நினைவில் கொள்ள வேண்டும்.” என அவர் தெரிவித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

137 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

136 0 0