தொழிலாளர் தேசிய முன்னணியின் இளைஞர் அணி மற்றும் மகளிர் அணிக்கான நியமனங்கள் வழங்கி வைப்பு.!
தொழிலாளர் தேசிய முன்னணியின் கௌரவ தலைவர் பழனி திகாம்பரம் அவர்களின் ஆலோசனைக்கு அமைவாக, தொழிலாளர் தேசிய முன்னணியின் இளைஞர் அணி, மற்றும் மகளிர் அணிக்கான நியமனங்கள் வழங்கி வைக்கப்பட்டன.
இளைஞர் அணியின் செயலாளராக, மஸ்கெலியா பிரதேச சபையின் பிரதித் தவிசாளர் பரமசிவன் ராஜ்குமார் அவர்களும், இளைஞரணி பொருளாளராக ஆசிரி சந்தன அவர்களும், மகளிர் அணியின் செயலாளராக மஸ்கெலியா பிரதேச சபையின் உறுப்பினர் ராமர் தவமலர் அவர்களும், மகளிர் அணியின் ஊடகப் பொறுப்பாளராக நோர்வூட் பிரதேச சபையின் உறுப்பினர் திருமதி வீரப்பன் மஞ்சுளா அவர்களும், பொருளாளராக மாரிமுத்து ஜெயலட்சுமி ஆகியோருக்கான நியமன கடிதங்கள் வழங்கி வைக்கப்பட்டன.
அத்தோடு தொழிலாளர் தேசிய முன்னணியின் உதவி செயலாளராக பெர்னாண்டோ ஜெட்ரூட் அவர்களும், நோர்வூட் பிரதேச சபையின் பிரதான அமைப்பாளராக நோர்வூட் பிரதேச சபையின் பிரதி தவிசாளர் நடராஜ சிவகுமார் அவர்களும், மஸ்கெலியா பிரதேச சபையின் பிரதான அமைப்பாளராக மஸ்கெலியா பிரதேச சபையின் உறுப்பினர் பாலகுமார் ஆகியோரும் நியமனம் செய்யப்பட்டனர்.
நியமனம் வழங்கும் நிகழ்வில் கட்சியின் பொதுச் செயலாளர் கணபதி நகுலேஸ்வரன் அவர்களும், சங்கத்தின் பொதுசெயலாளர் பிலிப் அவர்களும், கட்சியின் பிரதிப் பொது செயலாளர் கமலதாசன் மற்றும் உப தலைவர்களான மெல்கம், தியாகராஜா, சந்திரகுமார தேவி மற்றும் உதவி செயலாளரான உஷா பிரசாந்தி ஆகியோரும் கலந்து கொண்டனர்.
