கோமாரி மெதடிஸ்த மிஷன் தமிழ் மகாவித்தியாலயத்தில் கோலாகலமாக இடம்பெற்ற சர்வதேச சிறுவர் தின நிகழ்வு
சர்வதேச சிறுவர் தினத்தை முன்னிட்டு, கமு/திகோ/கோமாரி மெதடிஷ் மிஷன் தமிழ் மகாவித்தியாலயத்தில் சிறுவர் தின நிகழ்வு நேற்று (05) வெகு சிறப்பாக நடைபெற்றது.
பாடசாலை அதிபரும் கோட்டக் கல்விப் பணிப்பாளருமான திரு. T. உதயகுமார் அவர்களின் தலைமையில் நடைபெற்ற இந்நிகழ்வுக்கு கெப்பிடல் மெட்டல்ஸ் நிறுவனத்தின் முழுமையான நிதி அனுசரணை வழங்கப்பட்டிருந்தது.
நிகழ்வில் வலயக் கல்வி அலுவலகத்தைச் சேர்ந்த வலுவூட்டப்பட்ட மேம்பாட்டு உத்தியோகத்தர் திரு. சசிதரன், பொத்துவில் பிரதேச செயலகத்தின் சிறுவர் பாதுகாப்பு மேம்பாட்டு உத்தியோகத்தர் திரு. க. திலகேஸ்வரம் ஆகியோர் அதிதிகளாக கலந்து கொண்டனர்.
மேலும், பாடசாலை அபிவிருத்திச் சங்க செயலாளர், பெற்றோர்கள், பழைய மாணவர்கள், நலன் விரும்பிகள் மற்றும் கெப்பிடல் மெட்டல்ஸ் நிறுவனத்தின் பணியாளர்கள் உள்ளிட்ட பலரும் நிகழ்வில் கலந்து கொண்டு சிறப்பித்தனர்.
இதன்போது மாணவர்களுக்காக பல்வேறு விளையாட்டு நிகழ்வுகள் மற்றும் கலை நிகழ்ச்சிகள் ஏற்பாடு செய்யப்பட்டிருந்ததுடன், போட்டிகளில் திறமைகளை வெளிப்படுத்திய மாணவர்களுக்கு பரிசில்களும் வழங்கி வைக்கப்பட்டன.
சிறுவர்களின் திறமைகளை வெளிக்கொணரவும், அவர்களுக்கு மகிழ்ச்சியான அனுபவத்தை வழங்கவும் ஏற்பாடு செய்யப்பட்ட இந்நிகழ்வு, மாணவர்கள் மத்தியில் மகிழ்ச்சியையும் உற்சாகத்தையும் ஏற்படுத்தியது.
