உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

அரசை வீழ்த்த ஒன்றுபடுங்கள்.!

இலங்கை செய்திகள் 2 மாதங்கள் முன்
115 பார்வைகள்

மக்களின் அன்றாடப் பிரச்சினைகளுக்குத் தீர்வு வழங்கத் தவறியுள்ள தற்போதைய அரசு, நாட்டு மக்களை ஏமாற்றி, இனவாதத்தைத் தூண்டிவிட்டு அதிகாரத்தைத் தக்கவைக்க முயல்கின்றது என்று ஸ்ரீலங்கா பொதுஜன பெரமுன கடுமையாகக் குற்றம் சாட்டியுள்ளது.

பத்தரமுல்ல நெலும் மாவத்தையிலுள்ள கட்சியின் தலைமையகத்தில் இன்று நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே கட்சியின் முன்னாள் நாடாளுமன்ற உறுப்பினர் சமன்பிரிய ஹேரத் மற்றும் கொழும்பு மாவட்ட அமைப்பாளர் ஹசன் அலால்தீன் ஆகியோர் மேற்கண்டவாறு தெரிவித்தனர்.

இதன்போது சமன்பிரிய ஹேரத் சுட்டிக்காட்டிய முக்கிய விடயங்கள் வருமாறு:-

“ஜனாதிபதி பல்வேறு பிரசாரங்களை மேற்கொண்டாலும், அத்தியாவசியப் பொருட்களின் விலைகள் நாளுக்கு நாள் விண்ணைத் தொடும் அளவுக்கு உயர்ந்து வருகின்றது.

2025 ஆம் ஆண்டு ஜி.சீ.ஈ. உயர்தரப் பரீட்சை எழுதிய மாணவர்களைப் பல்கலைக்கழகங்களில் இணைத்துக்கொள்வதற்கோ கற்பிப்பதற்கோ வழியில்லாத நிலை உள்ளது. பல்கலைக்கழக அமைப்பில் தற்போது 6 தொகுதி மாணவர்கள் தங்கி நிற்கும் முடக்கம் ஏற்பட்டுள்ளது என மூத்த விரிவுரையாளர் சாருதத்த இலங்கசிங்க தெரிவித்துள்ளார்.

நெல்லுக்கு நியாயமான விலை இன்மை, மருத்துவமனைகளில் அத்தியாவசிய மருந்துகள் பற்றாக்குறை, 323 கன்டெய்னர்கள் தொடர்பான பிரச்சினை, பாரிய ஹேக்கிங் தாக்குதல் மூலம் நாட்டின் பணம் கொள்ளையடிக்கப்பட்டமை மற்றும் எரிபொருள் விலையேற்றம் போன்றவற்றுக்கு அரசிடம் எந்தத் தீர்வும் இல்லை.” – என்றார்.

ஹசன் அலால்தீன் சுட்டிக்காட்டிய முக்கிய விடயங்கள் வருமாறு,

“நாட்டின் முக்கியப் பிரச்சினைகளிலிருந்து மக்களின் கவனத்தைத் திசைதிருப்பவே அரசு முயற்சிக்கின்றது.

இந்த அரசு கடந்த காலத்தில் வீழ்ச்சியடைந்திருந்த இனவாதத்தை மீண்டும் தூண்டிவிட்டு மக்களைப் பிளவுபடுத்தி ஆட்சியை நடத்தப் பார்க்கின்றது.

நாட்டின் மொத்தச் சனத்தொகையில் நான்கில் ஒருவர் வறுமையில் வாடுவதாக உலக வங்கி சுட்டிக்காட்டியுள்ளது.

இளைஞர்களுக்கும் தொழில்முறையாளர்களுக்கும் வாழ முடியாத சூழ்நிலை உருவாகியுள்ளது.

அரசுக்கு எதிரான வலுவான அரசியல் முகாம் தற்போது உருவாகி வருகின்றது.

பிரதான எதிர்க்கட்சியில் சிதறிக்கிடக்கும் அனைத்துத் தரப்பினரும் நாமல் ராஜபக்ஷ தலைமையில் ஒன்றுபட்டு இந்த ஆட்சியை வீழ்த்த அணிதிரள வேண்டும்.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

158 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

147 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

138 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

137 0 0