கொழும்பு மாநகர சபையின் ஸ்ரீலங்கா பொதுஜன பெரமுன கட்சியின் முன்னாள் உறுப்பினர் மஹிந்த கஹந்தகம உட்பட இருவர் ‘ஐஸ்’ போதைப்பொருளுடன் கைது செய்யப்பட்டுள்ளனர் என்று பொலிஸார் தெரிவித்துள்ளனர்.
மிரியானைப் பகுதியில் உள்ள உணவகம் ஒன்றுக்கு அருகில் நேற்று இரவோடு இரவாக மேற்கொள்ளப்பட்ட விசேட நடவடிக்கையின் போதே மஹிந்த கஹந்தகம கைது செய்யப்பட்டுள்ளார்.
சந்தேகநபர்களிடமிருந்து ‘ஐஸ்’ போதைப்பொருள் கைப்பற்றப்பட்டுள்ளது. அவருடன் கைது செய்யப்பட்ட மற்றைய நபரும் இந்தக் கடத்தல் நடவடிக்கைகளுடன் தொடர்புடையவர் எனச் சந்தேகிக்கப்படுகின்றது.
கொழும்பு மாநகர சபையின் முன்னாள் உறுப்பினர் மஹிந்த கஹந்தகம நீண்டகாலமாகப் போதைப்பொருள் கடத்தலில் ஈடுபட்டு வந்துள்ளமை ஆரம்பகட்ட விசாரணைகளில் தெரியவந்துள்ளது.
கொழும்பு குற்றத் தடுப்புப் பிரிவினரால் மேற்கொள்ளப்பட்ட இந்தக் கைதைத் தொடர்ந்து, சந்தேகநபர்களிடம் மத்திய குற்றப் புலனாய்வுப் பணியகம் மேலதிக விசாரணைகளைத் தொடர்ந்து முன்னெடுத்து வருகின்றது.
