அன்பாலயம் அமைப்பின் நிதிப் பங்களிப்புடன், புதுக்குடியிருப்பு பிரதேச சபை தவிசாளர் வே. கரிகாலனின் ஒழுங்குபடுத்தலில் புதுக்குடியிருப்பு மற்றும் ஒட்டுசுட்டான் பிரதேசங்களை சேர்ந்த 8 மாணவர்களுக்கு துவிச்சக்கர வண்டிகள் இன்றையதினம் (03.10.2026) வழங்கி வைக்கப்பட்டன.
புதுக்குடியிருப்பு பிரதேசத்தைச் சேர்ந்த 3 மாணவர்களுக்கும், ஒட்டுசுட்டான் பிரதேசத்தைச் சேர்ந்த 5 மாணவர்களுக்கும் என மொத்தம் 8 மாணவர்களுக்கு புதிய கிராம மக்கள் அறக்கட்டளையின் மகளிர் அணியினரின் வேண்டுகோளுக்கு அமைவாக குறித்த துவிச்சக்கர வண்டிகள் வழங்கி வைக்கப்பட்டன.
தூர இடங்களில் அமைந்துள்ள பாடசாலைகளுக்கு தினமும் நீண்ட தூரம் நடந்து சென்று கல்வி நடவடிக்கைகளை மேற்கொள்வதில் சிரமங்களை எதிர்நோக்கும் மாணவர்களின் கல்வி பயணத்திற்கு உதவும் வகையில், மாதாந்த கட்டணத் திட்டத்தின் கீழ் முழுத் தொகையையும் செலுத்தி துவிச்சக்கர வண்டிகளைப் பெற்றுக்கொள்ள முடியாத குடும்பங்களைச் சேர்ந்த மாணவர்களின் எதிர்கால கல்வி நடவடிக்கைகளை கருத்தில் கொண்டு இவ்வுதவி வழங்கப்பட்டது.
இந்நிகழ்வில் புதுக்குடியிருப்பு பிரதேச சபை தவிசாளர் வே. கரிகாலன், உறுப்பினர் கிரிதரன், புதுக்குடியிருப்பு பிரதேச புதிய கிராம மக்கள் அறக்கட்டளை மகளிர் அணி இணைப்பாளர், செயற்பாட்டாளர்கள், ஒட்டுசுட்டான் பிரதேச செயற்பாட்டாளர்கள், மகளிர் உறுப்பினர்கள் உள்ளிட்ட பலரும் கலந்து கொண்டிருந்தனர்.
