உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

2027 ஒருநாள் உலகக் கிண்ணத் தொடருக்கான டிக்கெட் பதிவு இன்று முதல் ஆரம்பம்

74 பார்வைகள்

2027ஆம் ஆண்டு நடைபெறவுள்ள ஐசிசி ஆடவர் கிரிக்கெட் உலகக் கிண்ணத் தொடருக்கான டிக்கெட்டுகளைப் பெறுவதற்கான வாக்குப்பதிவு முறையிலான (Ballot) பதிவு இன்று (1) ஆரம்பமாகிறது.

தென்னாப்பிரிக்காவின் கேப் டவுனில் உள்ள Zeitz MOCAA அருங்காட்சியகத்தில், உலகக் கிண்ணத் தொடரின் அதிகாரப்பூர்வ போட்டி அட்டவணை வெளியிடப்படும் நிகழ்வுடன் இந்த டிக்கெட் பதிவு நடைமுறையும் ஆரம்பிக்கப்படவுள்ளது.

கிரிக்கெட் உலகக் கிண்ணத்தின் 14ஆவது பதிப்பு தென்னாப்பிரிக்கா, நமீபியா மற்றும் சிம்பாப்வே ஆகிய மூன்று நாடுகளில் அடுத்த ஆண்டு நடைபெறவுள்ளது.

உலகம் முழுவதும் உள்ள ரசிகர்கள் மூன்று நாடுகளிலும் நடைபெறும் போட்டிகளுக்கான டிக்கெட்டுகளைப் பெறுவதற்காக தங்கள் விருப்பத்தைப் பதிவு செய்ய முடியும்.

இந்த வாக்குப்பதிவு முறையில் பதிவு செய்வது இலவசம் என்பதுடன், முதலில் பதிவு செய்பவர்களுக்கு முன்னுரிமை வழங்கப்படாது.

ஒக்டோபர் 1 முதல் நவம்பர் 21 ஆம் திகதி வரை பெறப்படும் அனைத்து செல்லுபடியாகும் பதிவுகளும் சமமாகக் கருதப்படும்.

ரசிகர்கள் தாங்கள் விரும்பும் எத்தனை போட்டிகளுக்கும் தனித்தனியாக விண்ணப்பிக்க முடியும். ஒவ்வொரு போட்டிக்கும் அதிகபட்சம் நான்கு டிக்கெட்டுகள் வரை கோர முடியும். அதேவேளை, விரும்பிய டிக்கெட் வகையையும் தெரிவு செய்யலாம்.

ஒரு போட்டிக்கான டிக்கெட்டுகளின் கேள்வி, கிடைக்கும் எண்ணிக்கையை விட அதிகமாக இருந்தால், தகுதியான விண்ணப்பதாரர்களைத் தெரிவு செய்ய சீரற்ற வாக்குப்பதிவு முறை பயன்படுத்தப்படும்.

வாக்குப்பதிவில் பங்கேற்பதற்கு எந்தவித கட்டணமும் செலுத்தத் தேவையில்லை. டிக்கெட் வாங்குவதற்கு தெரிவாகும் ரசிகர்களுக்கு மின்னஞ்சல் மூலம் அறிவிக்கப்பட்டு, அவர்களுக்கு ஒதுக்கப்பட்ட காலப்பகுதிக்குள் டிக்கெட்டுகளை வாங்குவதற்கான வாய்ப்பு வழங்கப்படும்.

ஒரு போட்டிக்கான டிக்கெட்டுகளுக்கு அதிகமான கேள்வி இல்லாத நிலையில், பதிவு செய்த ரசிகர்களுக்கு டிக்கெட்டுகளை வாங்குவதற்கான வாய்ப்பு வழங்கப்படும். மீதமுள்ள டிக்கெட்டுகள் பின்னர் நடைபெறும் விற்பனை கட்டங்களில் வெளியிடப்படலாம்.

எனினும், வாக்குப்பதிவில் பதிவு செய்வது டிக்கெட் கிடைப்பதை உறுதி செய்யாது என ஐசிசி தெரிவித்துள்ளது.

2027 உலகக் கிண்ணத் தொடரில் 14 அணிகள், 12 மைதானங்களில் மொத்தம் 57 போட்டிகளில் பங்கேற்கவுள்ளமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0