சமூக வலைத்தளங்களில் மலையக மக்களை இழிவுபடுத்தும் வகையில் விமர்சிப்பவர்கள், அத்தகைய செயற்பாடுகளை நிறுத்திக்கொள்ள வேண்டும் என பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் தெரிவித்துள்ளார்.
ஊவாபரணம – அலகொல்ல தோட்டத்தில் 13 ஆண்டுகளாக மண்சரிவு அபாய வலயத்தில் வாழ்ந்து வந்த 51 குடும்பங்களுக்கு புதிய வீடுகளுக்கான அடிக்கல் நாட்டும் நிகழ்வில் உரையாற்றியபோது அவர் இதனைத் தெரிவித்துள்ளார்.
மலையக மக்கள் பல தலைமுறைகளாக கடினமான சூழ்நிலைகளில் வாழ்ந்து, நாட்டின் பெருந்தோட்டத் துறையின் ஊடாக அந்நியச் செலாவணியை ஈட்டுவதில் குறிப்பிடத்தக்க பங்களிப்பை வழங்கியுள்ளதாக பிரதி அமைச்சர் குறிப்பிட்டுள்ளார்.
அவர்களின் உழைப்பின் மூலம் நாட்டின் பொருளாதார வளர்ச்சிக்கும், கல்வி உள்ளிட்ட ஏனைய துறைகளின் முன்னேற்றத்திற்கும் பங்களிப்பு கிடைத்துள்ளதாகவும் அவர் சுட்டிக்காட்டியுள்ளார்.
