இன்று காலை நோட்டன் ஏழு கன்னி மலைப் பகுதியில் சில நாட்களுக்கு முன் இறந்த நபரின் உடல் ஒன்று கிடப்பதாக அப் பகுதியில் உள்ள மக்கள் நோட்டன் பொலிஸ் நிலைய பொறுப்பதிகாரிக்கு தகவல் வழங்கியதை தொடர்ந்து நோட்டன் பொலிஸ் நிலைய பொறுப்பதிகாரி மற்றும் பொலிசார் சம்பவ இடத்திற்கு விரைந்து வந்து பார்த்தனர்.
அப்போது இரண்டு கற்களுக்கு இடையே ஆண் ஒருவர் இறந்து அழுகிய நிலையில் கிடந்ததை கண்டு இப் பகுதியில் உள்ள அனைத்து பொலிஸ் நிலையங்களுக்கும் அறிவித்தனர்.
கடந்த 22 ம் திகதி மஸ்கெலியா மவுஸ்சாகலை தோட்டத்தில் வசித்து வந்த மருதவீரன் சபாபதி என்ற மூன்று பிள்ளைகளின் தந்தை காணாமல் போய் உள்ளதாக அவரது சகோதரர் மஸ்கெலியா பொலிஸ் நிலையத்தில் புகார் ஒன்றை பதிவு செய்துள்ளார்.
சந்தேகத்தின் பேரில் இந்த இறந்த நிலையில் உள்ளவர் மருதவீரன் சபாபதியாக இருக்குமோ என அடையாளம் காண அவரது சகோதரருக்கு அறிவிக்கப்பட்டது.
சம்பவ இடத்திற்கு சென்ற அந்நபர் இறந்தது அது தனது தம்பி மருதவீரன் சபாபதி என அடையாளம் கண்டுகொண்டார்.
இன்நிலையில் சம்பவ இடத்திற்கு ஹட்டன் நீதி மன்ற நீதிவான் வந்து பார்வையிட்ட பின்னர் உடலம் டிக்கோயா கிளங்கன் ஆதார வைத்திய சாலைக்கு கொண்டு செல்லப்பட்டு அங்கு சட்ட வைத்திய அதிகாரி முன் நிலையில் உடற் கூற்று பரிசோதனையின் பின்னர் உடலம் உறவினர்களிடம் ஒப்படைக்க படும் என நோட்டன் பொலிஸ் நிலைய பொறுப்பதிகாரி தெரிவித்தார்.
சம்பவம் தொடர்பாக மேலதிக விசாரணைகளை நோட்டன் பொலிசார் மேற்கொண்டு வருகின்றனர்.
