அனுராதபுரம், கஹடகஸ்திகிலிய பொலிஸ் பிரிவிற்குட்பட்ட மொரகஹவெல குளக்கட்டு வனப்பகுதியில் நேற்று வெள்ளிக்கிழமை (25) காட்டு யானை தாக்கி நபர் ஒருவர் உயிரிழந்துள்ளதாக பொலிஸார் தெரிவித்தனர்.
இச் சம்பவத்தில் உயிரிழந்தவர் வீரவில பகுதியைச் சேர்ந்த 56 வயதுடைய நபர் ஆவார்.
காட்டு யானையின் தாக்குதலுக்கு இலக்காகி பலத்த காயமடைந்த நபர், கஹடகஸ்திகிலிய வைத்தியசாலையில் அனுமதிக்கப்பட்ட போதே உயிரிழந்துள்ளார்.
உயிரிழந்த நபரும் மேலும் இருவரும் தேனெடுப்பதற்காக மொரகஹவெல வனப்பகுதிக்குச் சென்றிருந்த போதே இக் காட்டு யானைத் தாக்குதலுக்கு இலக்காகியுள்ளதாக முதற்கட்ட விசாரணைகளில் தெரியவந்துள்ளது.
இச் சம்பவம் தொடர்பில் கஹடகஸ்திகிலிய பொலிஸார் மேலதிக விசாரணைகளில் ஈடுபட்டு வருகின்றனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
