களுத்துறை, அகலவத்தை பிரதேசத்தில் வீடொன்றின் அறையில் தரையில் தூங்கிக்கொண்டிருந்த 15 வயது பாடசாலை மாணவன் ஒருவர் மின்னல் தாக்கி உயிரிழந்துள்ளார் என்று பொலிஸார் தெரிவித்துள்ளனர்.
அகலவத்தை, தெல்பே, ஹல்ஓவிட்ட முகவரியில் வசிப்பவரும், அகலவத்தை மிஹிந்து மகா வித்தியாலயத்தில் தரம் 10 இல் கல்வி கற்பவருமான ஹசித பிரதீப் குமார (வயது 15) என்ற மாணவனே இவ்வாறு உயிரிழந்துள்ளார்.
மேற்படி மாணவன் நேற்று வீட்டு அறையில் தரையில் தூங்கிக்கொண்டிருந்த வேளையில், வீட்டில் பொருத்தப்பட்டிருந்த மின் இணைப்புப் படுகையில் பாய்ந்த மின்னல் தாக்குதல் அந்த மாணவனையும் தாக்கியுள்ளது.
மின்னல் தாக்குதலில் படுகாயமடைந்த மாணவன் உடனடியாக அகலவத்தை பிம்புர ஆதார வைத்தியசாலையில் அனுமதிக்கப்பட்டுச் சிகிச்சை பெற்று வந்த நிலையில் பரிதாபமாக உயிரிழந்துள்ளார் என்று பொலிஸார் மேலும் குறிப்பிட்டுள்ளனர்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள
WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்
