கால்பந்து கிண்ணத் தொடரின் இறுதிப்போட்டி, எதிர்வரும் ஞாயிற்றுக்கிழமை ( 19) நடைபெறவுள்ளது. இந்தப் போட்டி கால்பந்து வரலாற்றில் ஒரு மறக்க முடியாத தருணமாக அமையவுள்ளது.
இந்த இறுதிப்போட்டியில் நடப்பு செம்பியன் ஆர்ஜென்டினா மற்றும் ஸ்பெயின் அணிகள் மோதுகின்றன.
இந்த ஆட்டத்திற்கு முன்னதாக, சமூக வலைதளங்களில் ஒரு பழைய புகைப்படம் மீண்டும் வைரலாகி வருகின்றது.
19 ஆண்டுகளுக்கு முன்பு, இளம் வயது லியோனல் மெஸ்ஸி, ஒரு பச்சிளம் குழந்தையைக் குளிப்பாட்டும் அந்தப் புகைப்படம் தற்போது இணையத்தில் வைரலாகி வருகிறது.
அந்தப் படத்தில் இருப்பது தற்போதைய ஸ்பெயின் அணியின் இளம் நட்சத்திரமான லமின் யமால் என்பதுதான் ஆச்சரியமான உண்மை.
இந்தச் சுவாரசியமான புகைப்படம் 2007-ஆம் ஆண்டு எடுக்கப்பட்டதாக தெரிவிக்கப்பட்டுள்ளது.
பார்சிலோனா கால்பந்து கழகம் மற்றும் ‘ஸ்போர்ட்’ (Sport) உள்ளூர் நாளிதழ் இணைந்து ஒரு நாட்காட்டியைத் தயாரிப்பதற்காக இந்தப் புகைப்படம் எடுக்கப்பட்டது.
இந்தத் திட்டத்தின் மூலம் திரட்டப்பட்ட நிதி, யுனிசெப் மற்றும் பிற தொண்டு நிறுவனங்களுக்கு நன்கொடையாக வழங்கப்பட்டது.
பார்சிலோனா அணியின் வீரர்களுடன் குழந்தைகளை வைத்து புகைப்படம் எடுப்பதே அந்தத் திட்டத்தின் நோக்கம். இதில் நூற்றுக்கணக்கான குடும்பங்கள் பங்கேற்றன.
அப்போதுதான் தனது கால்பந்து பயணத்தைத் தொடங்கிக் கொண்டிருந்த லியோனல் மெஸ்ஸியுடன், பச்சிளம் குழந்தையான லமின் யமால் புகைப்படம் எடுக்கத் தேர்ந்தெடுக்கப்பட்டார்.
அன்று மெஸ்ஸியின் கைகளில் குளித்த அதே குழந்தை, இன்று கால்பந்து உலகின் உச்ச நட்சத்திரமாக வளர்ந்து, அதே மெஸ்ஸிக்கு எதிராக கால்பந்து கிண்ண இறுதிப்போட்டியில் களமிறங்குகிறது.
கால்பந்து உலகின் ‘தற்போதைய ஜாம்பவான்’ மற்றும் ‘எதிர்கால நட்சத்திரம்’ மோதிக்கொள்ளும் இந்தத் தருணத்தை ரசிகர்கள் மிகுந்த எதிர்பார்ப்புடன் எதிர்பார்த்துக் கொண்டிருக்கின்றனர்.
