உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

முத்தரப்பு ஒருநாள் தொடரில் இலங்கை இந்திய அணிகளுக்கிடையில் வாக்குவாதம்?

80 பார்வைகள்

தம்புள்ளையில் நடைபெற்ற முத்தரப்பு ‘ஏ’ அணி ஒருநாள் தொடரின் விறுவிறுப்பான போட்டியில், இந்திய ‘ஏ’ அணிக்கும்  இலங்கை ‘ஏ’ அணிக்கும் இடையே ஏற்பட்ட மோதல் நிலை காரணமாக மைதானத்தில் குழப்பம் ஏற்பட்டது.

நிர்ணயிக்கப்பட்ட 50 ஓவர்களின் முடிவில் இரு அணிகளும் சமமாக 265 ஓட்டங்களைப் பெற்றதை அடுத்து போட்டி சமநிலையில் (Tie) முடிவடைந்தது. அதனைத் தொடர்ந்து வெற்றியாளரைத் தீர்மானிக்க நடத்தப்பட்ட சுப்பர் ஓவரில் இலங்கை அணி அபார வெற்றி பெற்றது.

போட்டி நிறைவடைந்ததும் மைதானத்தில் பதற்றமான சூழல் உருவானது.

இந்திய ‘ஏ’ அணியின் இளம் வீரர் வைபவ் சூர்யவன்ஷி மற்றும் இலங்கை ‘ஏ’ அணியின் விஷேன் ஹலம்பகே ஆகியோருக்கு இடையே கடுமையான வாக்குவாதம் ஏற்பட்டது.

இந்த மோதலுக்கான துல்லியமான காரணம் உடனடியாகத் தெரியவரவில்லை.

இன்றைய ஆட்டத்தில் பெனால்டி ஓட்டங்கள் (Penalty Runs) வழங்கப்பட்டதில் ஏற்பட்ட சர்ச்சை, சுப்பர் ஓவர் விதிமுறைகள் குறித்த குழப்பம் மற்றும் சுப்பர் ஓவரின் போது நடுவரால் அறிவிக்கப்பட்ட ‘நோ-போல்’ (No-Ball) தீர்ப்பு எனப் பல்வேறு சம்பவங்கள் அரங்கேறின.

குறிப்பாக, நடுவரின் தீர்ப்புகளால் இந்திய ‘ஏ’ அணியின் தலைவர் திலக் வர்மா கடுமையான அதிருப்தியையும் விரக்தியையும் வெளிப்படுத்தியதைக் காண முடிந்தது.

முன்னதாக இப்போட்டியில் நாணய சுழற்சியில் வென்று முதலில் துடுப்பெடுத்தாடிய இந்திய ‘ஏ’ அணி, 49.2 ஓவர்களில் அனைத்து விக்கெட்டுகளையும் இழந்து 265 ஓட்டங்களைப் பெற்றது.

இந்திய அணி சார்பில் சூரியன்ஷ் ஷெட்ஜ் 72 ஓட்டங்களையும், விப்ராஜ் நிகாம் 51 ஓட்டங்களையும் அதிகபட்சமாகப் பெற்றனர்.

பதிலுக்கு 266 ஓட்டங்கள் என்ற இலக்குடன் களம் புகுந்த இலங்கை ‘ஏ’ அணி, சதீர சமரவிக்ரமவின் அதிரடியான 93 ஓட்டங்களின் உதவியுடன் 50 ஓவர்கள் நிறைவில் 9 விக்கெட்டுகளை இழந்து 265 ஓட்டங்களை எட்டியது.

போதிய வெளிச்சமின்மைக்கு மத்தியில் நடத்தப்பட்ட சுப்பர் ஓவர் சுற்றில், முதலில் துடுப்பெடுத்தாடிய இலங்கை ‘ஏ’ அணி 16 ஓட்டங்களைக் குவித்தது.

கடினமான இந்த இலக்கை நோக்கிப் பதிலளித்தாடிய இந்திய ‘ஏ’ அணியை, இலங்கை பந்துவீச்சாளர்கள் திறம்படக் கட்டுப்படுத்தி தங்களது அணியின் வெற்றியை உறுதி செய்தனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

92 0 0